Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol:

1)              Datganodd y Cynghorwyr L S Gibbard a A Pugh gysylltiad personol â Chofnod 68 " Penodiadau Llywodraethwyr yr Awdurdod Lleol".

2)              Datganodd y Cynghorydd R V Smith gysylltiad personol a rhagfarnol â Chofnod 68 "Penodiadau Llywodraethwyr yr Awdurdod Lleol", a dywedodd ei fod wedi cael gollyngiad gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

3)              Datganodd y Cynghorydd D H Hopkins gysylltiad personol a rhagfarnol â Chofnod 68 "Penodiadau Llywodraethwyr yr Awdurdod Lleol" a gadawodd y cyfarfod cyn ei ystyried.

4)              Datganodd y Cynghorydd E J King gysylltiad personol â Chofnod 73 "Strategaeth y Gweithlu 2022-2027".

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)              Cabinet a gynhaliwyd ar 8 Medi 2022.

2)              Cabinet a gynhaliwyd ar 29 Medi 2022.

a)              Addasiad Cyllidol/Cyllideb Fach

Cyfeiriodd Arweinydd y Cyngor at yr Addasiad Cyllidol/y Gyllideb Fach ddiweddar gan ddweud ei fod wedi effeithio'n sylweddol ar werth y Bunt (£) yn erbyn Doler yr UD ($). Mae hyn yn ei dro wedi cynyddu'r pwysau ar fil ynni'r cyngor.

Galwodd ar y rheini â dylanwad i lobïo Llywodraeth y DU i ymestyn y cap Ynni tu hwnt i 1 Mawrth 2023.

Gellir cyflwyno cwestiynau’n ysgrifenedig i’r Gwasanaethau Democrataidd Democratiaeth@abertawe.gov.uk hyd at ganol dydd y diwrnod cyn y cyfarfod. Bydd cwestiynau ysgrifenedig yn cael eu blaenoriaethu. Gall y cyhoedd ddod a gofyn cwestiynau’n uniongyrchol os bydd amser. Rhaid i gwestiynau fod yn berthnasol i’r eitemau ar ran agored yr agenda ac ymdrinnir â nhw o fewn cyfnod o 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Darparodd y Cynghorydd P M Black Adborth Craffu Cyn Penderfynu ar Fuddsoddiad Prosiect Oracle.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd Aelod y Cabinet dros yr Economi, Cyllid a Strategaeth ac Aelod y Cabinet dros Drawsnewid Gwasanaethau adroddiad ar y cyd a oedd yn rhoi’r diweddaraf ar brosiect Oracle Fusion ac roedd yn gofyn am gymeradwyaeth ar gyfer buddsoddiad ychwanegol yn y prosiect i dalu costau anochel sy'n gysylltiedig â'r pandemig a'r broses o adfer ohono.

Penderfynwyd cymeradwyo'r cynllun a'r amserlen ddiwygiedig ar gyfer rhoi prosiect Oracle ar waith ynghyd â buddsoddiad pellach fel yr amlinellir ym Mharagraff 4.1 yr adroddiad.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd:

1)              Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Addysg a Dysgu:

Cyflwynodd Aelod y Cabinet dros Addysg a Dysgu adroddiad a oedd yn darparu canlyniadau Arolygiad Estyn o Wasanaethau Addysg Llywodraeth Leol yn Abertawe 2022.

Penderfynwyd nodi canfyddiadau Arolygiad Estyn 2022.

Cyflwynodd Aelod y Cabinet dros Wasanaethau Corfforaethol a Pherfformiad adroddiad a oedd yn darparu'r Perfformiad Corfforaethol ar gyfer Chwarter 1 2022/2023.

Penderfynwyd:

1)              Nodi perfformiad y cyngor o ran rheoli'r pandemig a'i ganlyniadau a chyflawni amcanion lles y cyngor ar gyfer chwarter 1, 2022-23.

2)              Cymeradwyo defnyddio'r wybodaeth hon i lywio penderfyniadau gweithredol ynglŷn â dyrannu adnoddau a, lle bo'n berthnasol, gamau gweithredu cywirol i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Cyflwynodd Aelod y Cabinet dros Ddiwylliant a Chydraddoldeb ac Aelod y Cabinet dros y Gwasanaeth Corfforaethol a Pherfformiad adroddiad ar y cyd a oedd yn gofyn am gymeradwyaeth ar gyfer rhoi prydles newydd yr adeilad a elwir yn Theatr Dylan Thomas (Gloucester Place, Ardal Forol, Abertawe SA1 1TY) i Swansea Little Theatre.

Penderfynwyd:

1)              Cymeradwyo'r cynnig i estyn a sicrhau daliadaeth Swansea Little Theatre drwy ddyfarnu prydles 125 o flynyddoedd i gefnogi defnydd arfaethedig o'r lleoliad drwy ei ddyfarnu am rhent rhad.

2)              Rhoi awdurdod i Bennaeth y Gwasanaethau Eiddo gyd-drafod a setlo telerau'r brydles arfaethedig ac awdurdodi'r Prif Swyddog Cyfreithiol i gwblhau'r dogfennau cyfreithiol.

Cyflwynodd Aelod y Cabinet dros Gymunedau adroddiad a oedd yn gofyn am gymeradwyaeth ar gyfer y Strategaeth Biniau Sbwriel.

Penderfynwyd:

1)              Cymeradwyo Strategaeth biniau sbwriel Abertawe fel y nodir yn Atodiad 1 yr adroddiad.

Cyflwynodd Aelod y Cabinet dros Wasanaeth Corfforaethol a Pherfformiad adroddiad a oedd yn gofyn am gymeradwyaeth ar gyfer Strategaeth y Gweithlu 2022-2027.

Penderfynwyd:

1)              Cymeradwyo Strategaeth y Gweithlu arfaethedig ar gyfer 2022-2027 a'r Cynllun Gweithredu cysylltiedig.

2)              Rhoddir asesiad o'r cynnydd i'r Cabinet ym mis Hydref 2023.

Cyflwynodd Aelod y Cabinet dros Wasanaeth Corfforaethol a Pherfformiad adroddiad a oedd yn gofyn am gymeradwyaeth ar gyfer yr egwyddorion a fydd yn sail i fodel gweithio ar ôl y pandemig y cyngor, ac sy'n ystyried gofynion gweithredol, disgwyliadau cwsmeriaid ac anghenion y gweithlu.

Penderfynwyd:

1)              Cymeradwyo'r egwyddorion arfaethedig ar gyfer gweithio ar ôl y pandemig a nodir ym Mharagraff 3.4 yr adroddiad.

2)              Rhoi cyfrifoldeb i'r Prif Weithredwr am roi'r egwyddorion ar waith ym mhob gwasanaeth.

3)              Cyflwyno adroddiad i'r Cabinet ym mis Hydref 2023 ar effeithiolrwydd yr egwyddorion ar berfformiad gweithredol, disgwyliadau cwsmeriaid ac anghenion y gweithlu.

Cyflwynodd Aelod y Cabinet dros yr Economi, Cyllid a Strategaeth (Arweinydd y Cyngor) adroddiad a oedd yn ceisio cymeradwyaeth ar gyfer y cytundebau ariannu diweddaredig a phroffil ariannol prosiect Gwyddorau Bywyd Bargen Ddinesig, Lles, a Champysau Chwaraeon Bae Abertawe.

Penderfynwyd:

1)              Cymeradwyo prif egwyddorion y cytundebau cyllid diwygiedig fel y nodir ym Mharagraffau 4.2 i 4.4 yr adroddiad rhwng y cyngor a'r Corff Atebol, a'r cyngor a Phrifysgol Abertawe.

2)              Rhoi'r awdurdod i'r Prif Weithredwr, y Cyfarwyddwr Cyllid a'r Prif Swyddog Cyfreithiol/Swyddog Monitro gwblhau telerau'r cytundebau ariannu ac ymrwymo i'r un peth ar ran y cyngor.

Cyflwynodd Aelod y Cabinet dros Wasanaethau Corfforaethol a Pherfformiad adroddiad a oedd yn amlinellu ymateb i'r argymhellion craffu ac yn cyflwyno cynllun gweithredu ar gyfer cael cytundeb.

Penderfynwyd:

1)              Cytuno ar yr ymatebion a amlinellwyd yn yr adroddiad a'r cynllun gweithredu cysylltiedig.

Cyflwynodd Aelod y Cabinet dros Addysg a Dysgu adroddiad a oedd yn gofyn am gymeradwyaeth i neilltuo £464,722 i'r rhaglen gyfalaf ar gyfer y cynllun i ailfodelu ardal llawr caled a gosod cyfleuster arwyneb 2G pob tywydd ar y tir presennol yn Ysgol Gyfun Pontarddulais. Roedd yr arian yn cynnwys:

Ø    £200,000 gan Gyngor Abertawe.

Ø    £30,000 gan Gronfa Chwarae Cyngor Abertawe.

Ø    £15,000 gan Gronfa Gyfalaf Aelodau Cyngor Abertawe.

Ø    £9,000 gan Gyllideb Gymunedol Aelodau Ward.

Ø    £210,722 o gyllid Ysgolion Bro.

Roedd yr adroddiad hefyd yn ceisio cydymffurfio â Rheol 7 y Weithdrefn Ariannol –  neilltuo ac awdurdodi prosiect newydd i'r Rhaglen Gyfalaf.

Penderfynwyd:

1)              Bydd cyfanswm o £464,722 (gan gynnwys y £254,000 a gymeradwywyd yn flaenorol) yn cael ei neilltuo i'r rhaglen gyfalaf er mwyn ailfodelu ardal chwarae arwyneb caled (hen gyrtiau tennis) a gosod arwyneb 2G pob tywydd 2G yn Ysgol Gyfun Pontarddulais.

Cyflwynodd Aelod y Cabinet dros Addysg a Dysgu adroddiad a oedd yn gofyn am gymeradwyaeth ar gyfer y gyllideb flynyddol gyntaf (2022-2023) ar gyfer Consortiwm Addysg Ranbarthol Partneriaeth, gan gynnwys cyfraniadau pob cyngor ac yn gofyn i'r Cabinet nodi'r rhagdybiaethau a'r amcangyfrifon a wnaed wrth lunio'r gyllideb ar gyfer 2022-2023.

Penderfynwyd:

1)              Cymeradwyo'r gyllideb flynyddol gyntaf (2022-2023) ar gyfer y Consortiwm Addysg Ranbarthol, Partneriaeth, fel y nodir ym Mharagraff 3 yr adroddiad.