Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol:

1)            Datganodd y Cynghorwyr L S Gibbard a A H Stevens fudd personol a rhagfarnol â chofnod 138 "Penodiadau Llywodraethwyr yr Awdurdod Lleol" a gadawodd y cyfarfod cyn iddo gael ei ystyried.

2)            Datganodd y Cynghorydd R V Smith fudd personol a rhagfarnol â chofnod 138 "Penodiadau Llywodraethwyr yr Awdurdod Lleol" a dywedodd ei fod wedi cael goddefeb gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

3)            Datganodd y Cynghorwyr M C Child, R Francis-Davies a R V Smith fudd personol â chofnod 142 "Adroddiad Blynyddol y Bartneriaeth Hamdden 2020/2021”.

4)            Datganodd y Cynghorydd M C Child fudd personol a rhagfarnol â chofnod 150 "Lleoliad arfaethedig ar gyfer cyfleusterau Chwarae awyr agored yn West Cross” a gadawodd y cyfarfod cyn iddo gael ei ystyried.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)           Cyfarfod y Cabinet a gynhaliwyd ar 17 Chwefror 2022.

1)              Aelodau’r Cabinet yn tynnu’n ôl o’r Etholiadau Llywodraeth Leol ar 5 Mai 2022

Dywedodd Arweinydd y Cyngor fod y Cynghorwyr Mark C Child a Mark Thomas wedi penderfynu tynnu’n ôl o’r etholiadau sydd i ddod ym mis Mai 2022. Diolchodd a thalodd deyrnged iddynt am eu cyfraniad rhagorol ac ymroddedig i Gyngor Abertawe a'r Cabinet.

Mae’n rhaid i gwestiynau gael eu cyflwyno’n ysgrifenedig i’r Gwasanaethau Democrataidd democratiaeth@abertawe.gov.uk  erbyn ganol dydd fan bellaf ar y diwrnod gwaith cyn y cyfarfod. Rhaid bod y cwestiynau’n ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd ar y canlynol:

1)            Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn ceisio cymeradwyo'r Cyfraniad Refeniw i’r Gwariant Cyfalaf (CRGC) ar gyfer cyllideb ychwanegol ar gyfer rhaglen o'r Gronfa Arloesedd Ysgolion, Arian wrth gefn yr Isadeiledd Hwb a throsglwyddo cyllideb gyfalaf y Rhwydwaith Ysgolion i Raglen Isadeiledd yn yr Ysgol Hwb i sicrhau bod costau'r rhaglen yn cael eu talu ar gyfer 2021/22.

Penderfynwyd:

1)            Cymeradwyo’r CRGC a'r goblygiadau ariannol ym mharagraff 4 o'r adroddiad hwn.

Cyflwynodd Aelod y Cabinet dros Wella Busnes a Pherfformiad adroddiad a oedd yn amlinellu'r Perfformiad Corfforaethol ar gyfer Chwarter 3 2021-2022.

Penderfynwyd:

1)            Caiff canlyniadau perfformiad Chwarter 3 2021/22 eu cymeradwyo a'u defnyddio i lywio penderfyniadau gweithredol ar ddyrannu adnoddau a, lle y bo'n berthnasol, dylid cymeradwyo camau unioni i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Cyflwynodd Aelod y Cabinet dros Wasanaethau Tai, Ynni a Thrawsnewid Gwasanaethau adroddiad a oedd yn darparu manylion y Rhaglen Grant Cyfleusterau i'r Anabl a'r Grant Gwella ac yn ceisio cymeradwyaeth i gynnwys cynlluniau yn Rhaglen Gyfalaf 2022/23. Cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf), i ymrwymo ac awdurdodi cynlluniau yn ôl y Rhaglen Gyfalaf.

Penderfynwyd:

1)            Y dylid cymeradwyo'r Rhaglen Grant Cyfleusterau i'r Anabl a'r Grant Gwella, fel y'i nodwyd, gan gynnwys ei goblygiadau ariannol, ac y dylid ei chynnwys yng Nghyllideb Gyfalaf 2022/23.

Cyflwynodd Aelod y Cabinet dros Fuddsoddi, Adfywio a Thwristiaeth adroddiad gwybodaeth a oedd yn darparu manylion am weithdrefnau partneriaeth cyfleusterau allweddol ym mhortffolio'r Gwasanaethau Diwylliannol.

Cyflwynodd Aelod y Cabinet dros yr Economi, Cyllid a Strategaeth adroddiad a oedd yn ceisio cymeradwyo'r cynlluniau i'w hariannu drwy'r Rhaglen Cynnal a Chadw Cyfalaf.

Penderfynwyd:

1)            Caiff y cynlluniau cynnal a chadw cyfalaf arfaethedig a restrir yn Atodiad A i'r adroddiad eu cymeradwyo.

2)            Caiff y cynlluniau a'u goblygiadau ariannol fel a nodwyd yn Atodiad C yr adroddiad eu hawdurdodi a'u cynnwys yn y Rhaglen Gyfalaf.

Cyflwynodd Aelod y Cabinet dros Wella’r Amgylchedd a Rheoli Isadeiledd adroddiad i gadarnhau'r Rhaglen Waith Gyfalaf ar gyfer asedau'r isadeiledd priffyrdd.

Penderfynwyd:

1)            Caiff y dyraniadau dangosol arfaethedig, ynghyd â'r Goblygiadau Ariannol a nodir yn Atodiad A yr adroddiad, eu cymeradwyo a'u cynnwys yn y Rhaglen Gyfalaf.

2)            Caiff awdurdod ei ddirprwyo i Bennaeth y Gwasanaeth Priffyrdd a Chludiant gyda chydsyniad Aelod y Cabinet dros Wella’r Amgylchedd a Rheoli Isadeiledd i flaenoriaethu, cwblhau a chlustnodi arian i'r cynlluniau priodol yn unol â'r ymagwedd flaenoriaethu a nodwyd yn yr adroddiad.

Cyflwynodd Aelod y Cabinet dros Wasanaethau Plant adroddiad a oedd yn ceisio cymeradwyaeth i'r Buddsoddiad Cyfalaf brynu eiddo i ddatblygu ateb preswyl mewnol i Gyngor Abertawe a chydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) i ymrwymo ac awdurdodi cynllun i'r Rhaglen Gyfalaf.

Penderfynwyd:

1)            Y buddsoddiad cyfalaf ar gyfer ateb preswyl mewnol a'i oblygiadau ariannol ac mae'n ychwanegu'r cynllun a nodir ym mharagraff 3 yr adroddiad i'r rhaglen gyfalaf.

Cyflwynodd Aelod y Cabinet dros Wasanaethau Plant adroddiad a oedd yn rhoi'r wybodaeth ddiweddaraf am y cynigion ar gyfer datblygu llywodraethu a dulliau galluogi Gwasanaeth Mabwysiadu Cenedlaethol Cymru gan ei fod yn cymryd cyfrifoldeb dros Maethu Cymru. Roedd hefyd yn ceisio sicrhau cytundeb i lofnodi Cytundeb y Cydbwyllgor ar gyfer y Cydbwyllgor arfaethedig.

Penderfynwyd:

1)            Bydd y cyngor yn llofnodi Cytundeb y Cydbwyllgor ar gyfer y Gwasanaeth Mabwysiadu Cenedlaethol a Maethu Cymru sydd ynghlwm yn Atodiad C yr adroddiad ac yn awdurdodi'r Prif Swyddog Cyfreithiol i ymrwymo i'r cytundeb ar ran y cyngor.

2)            Penodi Aelod y Cabinet dros Wasanaethau Plant a Theuluoedd yn gynrychiolydd y cyngor ac yn aelod â phleidlais ar y cydbwyllgor.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Cyflwynodd Aelod y Cabinet dros Gyflawni a Gweithrediadau adroddiad a oedd yn rhoi'r wybodaeth ddiweddaraf am gynnydd ac yn ceisio ystyried opsiynau diwygiedig mewn perthynas â'r defnydd o'r tir a nodwyd yn yr adroddiad hwn yn y dyfodol.

Penderfynwyd cymeradwyo'r argymhellion, fel y'u hamlinellir yn yr adroddiad.

Cyflwynodd Aelodau’r Cabinet dros Fuddsoddi, Adfywio a Thwristiaeth a Gwella Addysg, Dysgu a Sgiliau adroddiad a oedd yn ceisio cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) i ymrwymo i gynlluniau a’u awdurdodi yn y Rhaglen Gyfalaf.

Penderfynwyd cymeradwyo'r argymhellion, fel y'u hamlinellir yn yr adroddiad.

Cyflwynodd Aelod y Cabinet dros Fuddsoddi, Adfywio a Thwristiaeth adroddiad a oedd yn ceisio ystyried man agored o fewn West Cross, er mwyn elwa o welliannau chwarae yn yr awyr agored fel rhan o Raglen Buddsoddi mewn Chwarae Cyfalaf 2021/22

Penderfynwyd cymeradwyo'r argymhellion, fel y'u hamlinellir yn yr adroddiad.