Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)              Datganodd y Cynghorydd R C Stewart gysylltiad Personol â Chofnod 110 "Cynnig i Brydlesu Rhan o Barc Coedgwilym i Gyfeillion Parc Coedgwilym". Nodir: Ni chymerodd ran yn y bleidlais.

2)              Datganodd Ben Smith gysylltiad Personol â Chofnod 105 “Cynigion y Gyllideb 2022/23-2025/26”.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod a restrir isod fel cofnod cywir:

1)           Cyfarfod y Cabinet a gynhaliwyd ar 16 Rhagfyr, 2021.

Ni wnaed unrhyw gyhoeddiadau gan Arweinydd y Cyngor.

Mae’n rhaid i gwestiynau gael eu cyflwyno’n ysgrifenedig i’r Gwasanaethau Democrataidd democratiaeth@abertawe.gov.uk  erbyn ganol dydd fan bellaf ar y diwrnod gwaith cyn y cyfarfod. Rhaid bod y cwestiynau’n ymwneud ag eitemau ar yr agenda. Ymdrinnir â chwestiynau o fewn cyfnod o 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn ceisio mabwysiadu Cynllun Strategol terfynol y Gymraeg mewn Addysg (WESP) 2022-2032.

Penderfynwyd:

1)            Mabwysiadu Cynllun Strategol terfynol y Gymraeg mewn Addysg (CSGA) 2022-2032.

2)            Caiff Cynllun Strategol terfynol y Gymraeg mewn Addysg 2022-2032 ei gyflwyno i Lywodraeth Cymru i'w gymeradwyo.

Derbyniwyd yr adborth cyn penderfynu.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd Aelod y Cabinet dros yr Economi, Cyllid a Strategaeth adroddiad a oedd yn adrodd am y cynnydd a wnaed hyd yn hyn ynghylch Adferiad COVID, ac argymhellodd y dylid cymeradwyo'r cynlluniau ar gyfer y dyfodol a chynigion buddsoddi pellach.

Penderfynwyd:

1)            Nodi'r cynnydd da hyd yma a'r hyblygrwydd parhaus sydd ei angen i ymateb i heriau a newidiadau parhaus ac sy'n dod i'r amlwg ar gyfer y cyngor, ei wasanaethau a'i weithlu.

2)            Yn unol â gofynion Rheol 7 y Weithdrefn Ariannol (rhaglennu a gwerthusiadau cyfalaf), mae'r Cabinet yn ymrwymo ac yn awdurdodi cynllun newydd gwerth £2m i'r rhaglen gyfalaf er mwyn symud y ganolfan ddata i Neuadd y Ddinas.

3)            Caiff y cynllun a'r amserlen ddiwygiedig ar gyfer gweithredu'r rhaglen Oracle ynghyd â buddsoddiad pellach o £3,620,412 yn unol â gofynion Rheol 5 y Weithdrefn Ariannol eu cymeradwyo.

4)            Nodi'r diweddaraf am y gwasanaethau cymdeithasol.

5)            Nodi'r diweddaraf am y cyfalaf wrth gefn a'r dyraniadau tebygol a chytuno i barhau i gadw'r cydbwysedd fel swm wrth gefn sy'n weddill.

6)            Dyrannu £2.05m o arian y Gronfa Adfer Economaidd (CAE) a nodir yn yr adroddiad at ddibenion cyfleusterau chwarae a pharciau sglefrio gwell fel cyllideb gyfalaf newydd yn unol â gofynion Rheol 7 y Weithdrefn Ariannol; a dirprwyo'r gwaith o gyflwyno'r rhaglen hon i Aelod y Cabinet dros Fuddsoddi, Adfywio a Thwristiaeth a'r Cyfarwyddwr Lleoedd i gwblhau'r rhaglen gyflwyno fanwl.

Cyflwynodd Aelod y Cabinet dros yr Economi, Cyllid a Strategaeth adroddiad a oedd yn ystyried cynigion cyllidebol ar gyfer 2022/2023 i 2025/2026 fel rhan o strategaeth cyllideb bresennol y cyngor.

Penderfynwyd:

1)            Cymeradwyo'r cynigion cyllidebol a grynhowyd yn yr adroddiad ac y nodwyd yn Atodiad B yr adroddiad fel sail ymgynghoriad.

2)            Mabwysiadu'r rhagolwg cyllidebol diweddaredig ar gyfer y dyfodol fel y rhagosodiad cynllunio cychwynnol ar gyfer y cynllun ariannol tymor canolig, a gaiff ei ystyried gan y cyngor ar 3 Mawrth 2022.

3)            Cytuno ar yr ymagwedd at ymgynghori ac ymgysylltu â staff, undebau llafur, preswylwyr, partneriaid a phartïon eraill â diddordeb fel y'u hamlinellir yn Adran 7 yr adroddiad.

4)            Cyflwyno adroddiad ar ganlyniad yr ymgynghoriad a'r cynigion cyllidebol terfynol yn ei gyfarfod ar 17 Chwefror 2022.

Cyflwynodd Aelod y Cabinet dros yr Economi, Cyllid a Strategaeth adroddiad a oedd yn ceisio sicrhau bod y cyngor yn mabwysiadu'r Cynllun Cyflawni Economaidd Rhanbarthol newydd ar gyfer de-orllewin Cymru (i gymryd lle Strategaeth Adfywio Economaidd Dinas-ranbarth Bae Abertawe 2013).

Penderfynwyd:

1)            Cymeradwyo a mabwysiadu Cynllun Cyflawni Economaidd Rhanbarthol De-orllewin Cymru fel polisi adfywio economaidd cyffredinol y cyngor i gymryd lle Strategaeth Adfywio Economaidd Dinas-ranbarth Bae Abertawe.

Cyflwynodd Aelod y Cabinet dros yr Economi, Cyllid a Strategaeth ac Aelod y Cabinet dros Newid yn yr Hinsawdd a Thrawsnewid Gwasanaethau adroddiad ar y cyd a oedd yn ceisio cymeradwyaeth i fabwysiadu Strategaeth Ynni Rhanbarthol De-orllewin Cymru.

Penderfynwyd:

1)              Cymeradwyo fersiwn 'ddrafft' Strategaeth Ynni Rhanbarthol De-orllewin Cymru, fel y nodir yn Atodiad A yr adroddiad.

2)              Rhoi awdurdod i'r Cyfarwyddwr Lleoedd ac Aelod y Cabinet dros Newid yn yr Hinsawdd a Thrawsnewid Gwasanaethau wneud unrhyw newidiadau terfynol i'r Strategaeth yn unol â phroses gymeradwyo'r pedwar Awdurdod Lleol.

3)              Cymeradwyo'r broses o gyflwyno Strategaeth Ynni Rhanbarthol ddrafft De-orllewin Cymru i'r Cyd-bwyllgor Corfforaethol Rhanbarthol (CCRh) ar ôl iddi gael ei chyfansoddi'n ffurfiol.

Cyflwynodd Aelod y Cabinet dros Gyflawni a Gweithrediadau adroddiad a oedd yn amlinellu'r camau a gymerwyd yn ystod y pandemig i gefnogi'r fasnach lletygarwch a pholisïau a gweithdrefnau arfaethedig yn y dyfodol.

Penderfynwyd:

1)              Dylid ymestyn y consesiwn mewn perthynas â Thrwyddedau Palmant a Thrwyddedau Priffyrdd tan 31 Mawrth 2023.

2)              Caiff y cytundebau a'r Trwyddedau hynny sydd wedi'u hymestyn i'r ffordd gerbydau eu hadolygu a'u hymestyn fel y bo'n briodol o fewn yr awdurdod dirprwyedig presennol.

3)              Caiff adolygiad pellach o dir trwyddedig, nad yw'n briffordd ei dderbyn a'i ystyried erbyn canol 2022.

Cyflwynodd Aelod y Cabinet dros Fuddsoddi, Adfywio a Thwristiaeth adroddiad a oedd yn rhoi'r diweddaraf am delerau trefniadau'r Cytundeb Rheoli, Tenantiaeth a Phrydlesu gyda Cyngor Hil Cymru ar gyfer Ganolfan Ddiwylliannol a Digidol Theatr y Grand Abertawe.

Penderfynwyd:

1)              Nodi telerau fersiwn derfynol y Cytundeb Rheoli gyda Cyngor Hil Cymru (CHC) a amlinellir yn yr adroddiad ac a nodir yn Atodiad A, a chymeradwyo'r argymhelliad presennol ar gyfer ffïoedd a chyfraddau ystafelloedd fel y nodir yn Atodiad B yr adroddiad.

2)              Caiff y ddarpariaeth o gyllid ychwanegol fel a nodir yn y Goblygiadau Ariannol ym Mharagraff 5 yr adroddiad ei chymeradwyo.

3)              Rhoi awdurdod i Bennaeth y Gwasanaethau Eiddo i ymrwymo i Denantiaeth wrth Ewyllys, ac mewn ymgynghoriad â'r Prif Swyddog Cyfreithiol ac Aelod y Cabinet dros Fuddsoddi, Twristiaeth ac Adfywio drafod a chytuno ar delerau terfynol y brydles gyda Cyngor Hil Cymru.

4)              Rhoi awdurdod i'r Prif Swyddog Cyfreithiol ymrwymo i'r brydles ar ran y cyngor.

Cyflwynodd Aelod y Cabinet dros Fuddsoddi, Adfywio a Thwristiaeth adroddiad a oedd yn ceisio cymeradwyaeth i drafod a chytuno ar Benawdau Telerau ac ymrwymo i brydles gyda Chyfeillion Parc Coedgwilym ar gyfer rhannau o Barc Coedgwilym.

Penderfynwyd:

1)              Cymeradwyo'r bwriad i werthu'r tir i Gyfeillion Parc Coedgwilym ar lefel o danbrisio sy'n dderbyniol i'r Cabinet yn seiliedig ar gyngor Pennaeth y Gwasanaethau Eiddo.

2)              Dirprwyo awdurdod i'r Cyfarwyddwr Lleoedd drafod a phenderfynu ar delerau'r brydles arfaethedig (ac unrhyw Weithredoedd Amrywiad wedi hynny) a dirprwyo awdurdod i'r Prif Swyddog Cyfreithiol er mwyn cwblhau'r ddogfennaeth gyfreithiol.

Cyflwynodd Aelod y Cabinet dros Gefnogi Cymunedau adroddiad gwybodaeth a oedd yn rhoi'r diweddaraf am Gytundeb Compact Trydydd Sector Abertawe a'r gwaith hyd yn hyn gan Grŵp Cyswllt y Compact a ffurfiwyd fel rhan o Gytundeb Compact diwygiedig Abertawe gyda'r Sector Gwirfoddol yn 2018.

Penderfynwyd:

1)              Y dylid nodi'r adroddiad.

Cyflwynodd Aelod y Cabinet dros Newid yn yr Hinsawdd a Thrawsnewid Gwasanaethau adroddiad gwybodaeth a oedd yn amlinellu'r Strategaeth Rheoli Rhenti Tai 2022-2026.