Agenda a Chofnodion

www.abertawe.gov.uk/DatgeluCysylltiadau

Datganodd y Cynghorydd R V Smith gysylltiad personol â Chofnod 46 “Penodiadau Llywodraethwyr yr Awdurdod Lleol” a dywedodd ei fod wedi cael goddefeb gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

Datganodd y Cynghorydd L S Gibbard gysylltiad personol â Chofnod 46 “Penodiadau Llywodraethwyr yr Awdurdod Lleol” a gadawodd cyn y drafodaeth.

Datganodd y Cynghorydd M Thomas gysylltiad personol â Chofnod 46 “Penodiadau Llywodraethwyr yr Awdurdod Lleol”.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion y cyfarfod a restrir isod fel cofnod cywir:

1)    Cyfarfod y Cabinet a gynhaliwyd ar 15 Gorffennaf 2021.

Ni wnaed unrhyw gyhoeddiadau gan Arweinydd y Cyngor.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Aelod y Cabinet dros yr Economi, Cyllid a Strategaeth adroddiad am fonitro cyllidebau refeniw a chyfalaf 2021/22 yn ariannol, gan gynnwys cyflwyno arbedion cyllidebol.

Penderfynwyd ar y canlynol:

1)    Nodi'r sylwadau a'r amrywiadau, gan gynnwys pob ansicrwydd materol, a nodwyd yn yr adroddiad a'r camau gweithredu sydd ar y gweill er mwyn ceisio mynd i'r afael â'r rhain.

2)    Cymeradwyo'r trosglwyddiadau a nodir ym mharagraffau 2.7 a 3.2.

3)    Anogir cyfarwyddwyr i barhau i geisio lleihau gorwariant gwasanaethau yn ystod y flwyddyn, gan gydnabod bod y gyllideb gyffredinol yn cael ei chydbwyso ar hyn o bryd dim ond drwy ddibynnu'n drwm ar ad-daliad tebygol (ond ymhell o fod yn sicr) gan Lywodraeth Cymru, cyllidebau wrth gefn a chronfeydd wrth gefn a ddelir yn ganolog, ond hefyd i gydnabod bod y gorwariant bron yn gyfan gwbl oherwydd pwysau parhaus COVID a ragwelir yn gyffredinol.

Cyflwynodd Aelod y Cabinet dros Drawsnewid Busnes a Pherfformiad adroddiad a oedd yn amlinellu'r Perfformiad Corfforaethol ar gyfer Chwarter 1 2021/22.

Penderfynwyd ar y canlynol:

Caiff canlyniadau perfformiad Chwarter 1 2021/22 eu cymeradwyo a'u defnyddio i gyfeirio penderfyniadau gweithredol ynglŷn â dyrannu adnoddau a, lle bo'n berthnasol, gamau gweithredu cywirol i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol

Cyflwynodd Aelod y Cabinet dros Gefnogi Cymunedau adroddiad a oedd yn gofyn am awdurdod i gyhoeddi Adolygiad Cydraddoldeb Blynyddol y cyngor ar gyfer 2020/21 yn unol â Dyletswydd Cydraddoldeb y Sector Cyhoeddus a'r rheoliadau adrodd ar gyfer Cymru.

Penderfynwyd ar y canlynol:

1)    Cymeradwyo cynnwys yr adroddiad i'w gyhoeddi.

Cyflwynwyd adroddiad gan Aelod y Cabinet dros Wella Addysg, Dysgu a Sgiliau a oedd yn manylu ar ganlyniad cyfnod yr hysbysiad statudol ac yn ceisio cadarnhad ar gyfer y cynnig i gynyddu nifer y lleoedd cynlluniedig yn Ysgol Arbennig Pen-y-bryn. Ni dderbyniwyd unrhyw wrthwynebiadau.

Penderfynwyd ar y canlynol:

1)    Cymeradwyo cynyddu lleoedd cynlluniedig yn Ysgol Pen-y-Bryn o 31 i gyfanswm o 195 o leoedd, ar 1 Ionawr 2022.

2)    Cynnwys yr arian refeniw dirprwyedig ychwanegol i gefnogi sefydlu'r lleoedd cynlluniedig ychwanegol hyn yn Ysgol Pen-y-bryn a'r costau cludiant ychwanegol posib sy'n gysylltiedig â hyn yn nyraniadau cyllidebau refeniw cyffredinol presennol addysg a rhai'r dyfodol.

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn ceisio cymeradwyaeth i ymgynghori ar fersiwn ddrafft Cynllun Strategol Gymraeg mewn Addysg (CSGA) statudol ar gyfer 2022-2032.

Penderfynwyd ar y canlynol:

1)    Cymeradwyo ymgynghoriad ar fersiwn ddrafft Cynllun Strategol y Gymraeg mewn Addysg 2022-2032.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwr yr Awdurdod Lleol ar gyrff llywodraethu ysgolion.

Penderfynwyd ar y canlynol:

1)    Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Addysg a Sgiliau Gydol Oes:

Cyflwynodd Aelod y Cabinet dros yr Economi, Cyllid a Strategaeth adroddiad a oedd yn ceisio cymeradwyo achos busnes Campysau Gwyddorau Bywyd, Lles a Chwaraeon Bargen Ddinesig Bae Abertawe ac i awdurdodi ei gyflwyniad ffurfiol yn unol â Chynllun Gweithredu'r Fargen Ddinesig i sicrhau cymeradwyaeth ariannol y Fargen Ddinesig.

Penderfynwyd ar y canlynol:

1)    Cymeradwyo Achos Busnes Campysau Gwyddorau Bywyd, Lles a Chwaraeon Bargen Ddinesig Bae Abertawe (Atodiad 1) a'i gyflwyniad ffurfiol, yn unol â Chynllun Gweithredu'r Fargen Ddinesig i Lywodraethau Cymru a'r DU;

2)    Dirprwyo awdurdod i'r Cyfarwyddwr Lleoedd mewn ymgynghoriad ag Aelod y Cabinet dros yr Economi, Cyllid a Strategaeth i gymeradwyo unrhyw ddiwygiadau i'r achos busnes y gallai fod yn ofynnol iddynt gael cymeradwyaeth ar lefel leol, ranbarthol a chenedlaethol;

3)    cymeradwyo'r goblygiadau ariannol sy'n gysylltiedig â darpariaeth y cyngor o gyllid cynnar i'r prosiect wrth aros i dderbyn arian y fargen ddinesig ar gost adennill ymylol yn unig a grantiau awdurdod dirprwyedig i'r Swyddog Adran 151 i gwblhau unrhyw gyllid neu gytundebau ariannol perthnasol.

Cyflwynodd Aelod y Cabinet dros Gyflawni a Gweithrediadau adroddiad a oedd yn ceisio cytundeb ar gyfer fersiwn ddrafft y Polisi Gamblo diwygiedig, ar gyfer y cyfnod Ionawr 2022 tan Ionawr 2025, i'w gyflwyno at ddiben ymgynghori.

1)    Cytuno ar y newidiadau arfaethedig i Bolisi Gamblo'r cyngor.

2)    Cytuno ar y polisi diwygiedig a'i gyflwyno ar gyfer ymgynghoriad cyn adrodd yn ôl i'r cyngor er mwyn ei fabwysiadu.

Cyflwynodd Aelod y Cabinet dros Fuddsoddi, Adfywio a Thwristiaeth Strategaeth Ailbwrpasu Canol Dinas Abertawe, sy'n darparu dadansoddiad o'r rhagolygon manwerthu a hamdden presennol a strategaeth ar gyfer cadarnhad a, lle bo angen, ailbwrpasu unedau manwerthu at ddibenion buddiol eraill. Roedd yr adroddiad yn gofyn am awdurdodiad i ddilyn y strategaeth yn unol â'r cynllun gweithredu cysylltiedig er mwyn nodi opsiynau cyflenwi priodol, ffynonellau ariannu a dechrau ymgynghori ar yr ymyriadau arfaethedig.

Penderfynwyd ar y canlynol:

1)    Cymeradwyo Strategaeth Ailbwrpasu Canol Dinas Abertawe fel y nodir yn Atodiad 1: Strategaeth Adolygu ac Ailbwrpasu Manwerthu a Hamdden Canol Dinas Abertawe.

2)    Caiff yr ymyriadau arfaethedig a amlinellir yn Strategaeth Ailbwrpasu Canol Dinas Abertawe ac ym mharagraffau 7-9 o'r adroddiad hwn eu cymeradwyo mewn egwyddor, a dylid dirprwyo awdurdod i'r Cyfarwyddwr Lleoedd i ddatblygu'r Cynllun Gweithredu i nodi'r llwybr cyflawni mwyaf addas. Mae angen cymeradwyaeth bellach gan y Cabinet cyn gweithredu unrhyw un o'r ymyriadau arfaethedig.

3)    cymeradwyo'r cyllid o £500,000 a ddyrennir ar hyn o bryd ar gyfer gwaith ar Stryd Rhydychen i'r camau gweithredu ehangach a amlinellir yn yr adroddiad a bod unrhyw ofynion cyllidebol pellach wedi'u nodi ar gyfer penderfyniadau ar wahân ac yn y dyfodol yn unol â Chyfansoddiad y Cyngor a rheolau'r RhGA ac wedi'u cefnogi gan yr achos busnes priodol.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Cyflwynodd Aelod y Cabinet dros Fuddsoddi, Adfywio a Thwristiaeth adroddiad “er gwybodaeth” ar Strategaeth Ailbwrpasu Canol Dinas Abertawe, sy'n darparu dadansoddiad o'r rhagolygon manwerthu a hamdden presennol a strategaeth ar gyfer cadarnhad a, lle bo angen, ailbwrpasu manwerthu at ddibenion buddiol eraill.