Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol:

1)              Datganodd y Cynghorydd J A Raynor gysylltiad personol a rhagfarnol â chofnod 206 "Penodiadau Llywodraethwyr yr Awdurdod Lleol" a dywedodd ei bod wedi cael goddefeb gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion y cyfarfod a restrir isod fel cofnod cywir:

1)              Cyfarfod y Cabinet a gynhaliwyd ar 19 Mawrth 2020;

2)              Cyfarfod y Cabinet a gynhaliwyd ar 27 Ebrill 2020;

3)              Cyfarfod y Cabinet a gynhaliwyd ar 7 Mai 2020.

Ni wnaed unrhyw gyhoeddiadau gan Arweinydd y Cyngor.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda. Ymdrinnir â chwestiynau o fewn cyfnod 10 munud.

Ni ofynnwyd unrhyw gwestiynau.

Rhaid cyflwyno cwestiynau’n ysgrifenedig, cyn hanner dydd ar y diwrnod gwaith cyn y cyfarfod fan bellaf. Rhaid i gwestiynau ymwneud ag eitemau ar yr agenda.

Ni ofynnwyd unrhyw gwestiynau.

Cyflwynwyd adroddiad gan Aelod y Cabinet dros Gartrefi, Ynni a Thrawsnewid Gwasanaethau a oedd yn ceisio cydymffurfio â Rheol 7 y Weithdrefn Ariannol "Rhaglennu ac Arfarniadau Cyfalaf" er mwyn neilltuo ac awdurdodi ychwanegu cynlluniau newydd at y Rhaglen Gyfalaf.  Caiff y Gronfa Cartrefi Cynnes ei defnyddio i osod system gwres nwy addas, am y tro cyntaf, mewn sawl eiddo ar draws Abertawe y nodwyd eu bod mewn Ardaloedd Cynnyrch Ehangach Haen Is (ACEHI), i breswylwyr sydd mewn perygl o dlodi tanwydd, neu sydd eisoes mewn tlodi tanwydd a chanddynt system gwres trydanol neu danwydd solet.

Penderfynwyd ar y canlynol:

1)              Cymeradwyo'r cynnig am gyllid gan y Gronfa Cartrefi Cynnes er mwyn gosod systemau gwres canolog mewn cartrefi cymwys am y tro cyntaf ar gyfer 2020 a 2021 ac ychwanegu'r cynllun at y rhaglen gyfalaf;

2)              Rhoi awdurdod dirprwyedig i’r Cyfarwyddwr Lleoedd, y Prif Swyddog Cyfreithiol, y Prif Swyddog Cyllid ac Aelod y Cabinet dros Gartrefi, Ynni a Thrawsnewid Gwasanaethau gymeradwyo'r cyllid a’r ddogfennaeth gytundebol angenrheidiol.

Cyflwynodd y Prif Swyddog Cyllid adroddiad a oedd yn darparu gwybodaeth ac yn ceisio ystyriaeth ar gyfer mabwysiadu Cynllun Rhyddhad Ardrethi Manwerthu, Hamdden a Lletygarwch newydd dros dro sy'n berthnasol i Ardrethi busnes, a gyflwynwyd gan Lywodraeth Cymru ar gyfer blwyddyn ariannol 2020/2021.  Mae hyn yn ategu’r Cynllun Rhyddhad Ardrethi'r Stryd Fawr a Manwerthu a gyhoeddwyd yn flaenorol.

Penderfynwyd ar y canlynol:

1)              Nodi manylion y cynllun fel y'u nodir yn yr adroddiad;

2)              Mabwysiadu'r Cynllun Rhyddhad Ardrethi a'r broses ymgeisio fel y'u hamlinellwyd yn yr adroddiad, ar gyfer 2020/2021.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd ar y canlynol:

1)              Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd y dylid gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Cyflwynodd Aelod y Cabinet dros Gyflawni a Gweithrediadau adroddiad a oedd yn ceisio cymeradwyaeth ar gyfer y pris prynu y cytunwyd arno ar gyfer caffael 18.7 erw o dir gan Ddinas a Sir Abertawe yn Noc Abertawe. Prynir y tir yn ôl cyfarwyddyd y cleient Priffyrdd, ac mae ei angen er mwyn hwyluso adeiladu ffordd feingefn trwy SA1, gan gysylltu Baldwin’s Crescent a Langdon Road.

Penderfynwyd cymeradwyo'r argymhellion, fel y'u hamlinellir yn yr adroddiad.