Agenda a Chofnodion

www.abertawe.gov.uk/DatgeliadauBuddiannau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)              Datganodd y Cynghorydd J A Raynor gysylltiad personol a rhagfarnol â Chofnod 154 "Penodiadau Llywodraethwyr yr Awdurdod Lleol" a dywedodd ei bod wedi cael goddefeb gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

2)              Datganodd y Cynghorydd M Thomas gysylltiad personol â Chofnod 154"Penodiadau Llywodraethwyr yr Awdurdod Lleol";

3)              Datganodd y Cynghorydd J A Raynor gysylltiad personol â Chofnod 155 a 157 “Gwerthu tir dros ben yn Ysgol yr Olchfa”;

4)              Datganodd Huw Evans gysylltiad personol a rhagfarnol â Chofnod 154 "Penodiadau Llywodraethwyr yr Awdurdod Lleol" a gadawodd y cyfarfod cyn iddo ddechrau.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

Penderfynwyd y dylid cymeradwyo a llofnodi cofnodion y cyfarfod(ydd) a restrir isod fel cofnod cywir:

1)              Cyfarfod y Cabinet a gynhaliwyd ar 23 Ionawr 2020.

Ni wnaeth Arweinydd y Cyngor unrhyw gyhoeddiadau.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Gofynnwyd nifer o gwestiynau gan aelodau o'r cyhoedd mewn perthynas â'r gyllideb.  Ymatebodd Aelod perthnasol y Cabinet yn briodol.  Nid oedd angen ymateb ysgrifenedig ar unrhyw gwestiynau.

Gofynnwyd nifer o gwestiynau gan gynghorwyr ynghylch y gyllideb.  Ymatebodd Aelod perthnasol y Cabinet yn briodol.  Nid oedd angen ymateb ysgrifenedig ar unrhyw gwestiynau.

Cyflwynodd y Cyng. C A Holley yr adborth craffu cyn penderfynu.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd Aelod y Cabinet dros yr Economi a Strategaeth adroddiad a oedd yn manylu ar fonitro cyllidebau refeniw a chyfalaf 2019-2020 yn ariannol, gan gynnwys cyflwyno arbedion cyllidebol.

Penderfynwyd ar y canlynol:

1)              Nodi'r sylwadau a'r amrywiadau yn yr adroddiad a'r camau gweithredu sydd ar y gweill er mwyn mynd i'r afael â'r rhain;

2)              Nodi'r gwelliannau sylweddol a wnaed hyd yn hyn a chynlluniau eraill y cyfarwyddwyr i sicrhau'r Cabinet y gellir cydbwyso'r cyllidebau gwasanaeth ar gyfer 2019-2020 ac ar ôl hynny er mwyn cael eu rhoi ar waith erbyn 1 Ebrill 2020, ac yn cynharach lle bo'n bosib;

3)              Ni all unrhyw swyddog ystyried unrhyw ymrwymiadau gwario pellach o bwys nes bod y cynlluniau arbed hynny'n cael eu sicrhau a'u rhoi ar waith, fel y manylir yn yr adroddiad i fynd i'r afael â gorwario ar wasanaethau.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd y Swyddog Adran 151 adroddiad a oedd yn nodi rhesymeg a diben y Cynllun Ariannol Tymor Canolig, a manylodd ar y tybiaethau ariannu mawr ar gyfer y cyfnod, gan gynnig strategaeth i gynnal cyllideb gytbwys.

Penderfynwyd:    

1)       Argymell Cynllun Ariannol Tymor Canolig 2021-2022 hyd at 2023-2024 i'r cyngor fel sail ar gyfer cynllunio ariannol y gwasanaethau yn y dyfodol.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd y Swyddog Adran 151 adroddiad a oedd yn nodi'r sefyllfa bresennol o ran y Gyllideb Refeniw ar gyfer 2020-2021.  Roedd yn manylu ar y canlynol:

·                Monitro ariannol 2019-2020;

·                Setliad cyllid llywodraeth leol 2020-2021;

·                Rhagolwg cyllidebol 2020-2021;

·                Cynigion arbed penodol;

·                Canlyniad yr ymgynghoriad ar y gyllideb;

·                Goblygiadau staffio;

·                Gofynion y cronfeydd wrth gefn;

·                Gofyniad y gyllideb a Threth y Cyngor 2020-2021;

·                Crynodeb o gynigion ariannu;

·                Risgiau ac ansicrwydd.

Penderfynwyd ar y canlynol:

1)      Ystyried canlyniad yr ymarfer ymgynghori ffurfiol a chytuno ar unrhyw newidiadau i'r cynigion cyllidebol yn Atodiad D yr adroddiad yn ogystal â'r sefyllfa o ran cyllidebau dirprwyedig fel a nodwyd yn Adran 4.10 a 4.11 yr adroddiad;

2)        Nodi'r bwlch presennol mewn adnoddau a grybwyllwyd yn Adran 4.5 yr adroddiad ac, yn unol â'r camau gweithredu posib a nodwyd yn Adrannau 9 a 10 yr adroddiad, gytuno ar gamau gweithredu i gyflawni Cyllideb Refeniw gytbwys ar gyfer 2020-2021;

3)     Yn ogystal ag adolygiad o gynigion arbed presennol, bydd angen i'r Cabinet:

a) Adolygu a chymeradwyo'r trosglwyddiadau wrth gefn a argymhellir yn yr adroddiad hwn;

b) Cytuno ar lefel treth y cyngor ar gyfer 2020/2021 i'w hargymell i'r cyngor.

4)     Yn amodol ar y newidiadau a nodwyd ac a restrwyd uchod, mae'r Cabinet yn argymell y canlynol i'r cyngor i'w cymeradwyo:

a)        Cyllideb Refeniw ar gyfer 2020-2021;

b)        Gofyniad y gyllideb ac ardoll Treth y Cyngor ar gyfer 2020-2021.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd Swyddog Adran 151 adroddiad a oedd yn cynnig Cyllideb Gyfalaf ddiwygiedig ar gyfer 2019-2020 a Chyllideb Gyfalaf ar gyfer 2020-2021 i 2024-2025

Penderfynwyd:

1)        Cymeradwyo'r Gyllideb Gyfalaf ddiwygiedig ar gyfer 2019-2020 a Chyllideb Gyfalaf 2020-2021 - 2024-2025 fel a fanylir yn Atodiadau A, B, C, D, E ac F yr adroddiad.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd y Swyddog Adran 151 adroddiad a oedd yn cynnig Cyllideb Refeniw ar gyfer 2020-2021 a chynnydd rhent i eiddo o fewn y Cyfrif Refeniw Tai (CRT).

Penderfynwyd argymell y cynigion cyllidebol canlynol i'r cyngor i'w cymeradwyo:

1)        Cynyddu rhenti'n unol â pholisi rhent dros dro Llywodraeth Cymru fel a fanylwyd yn Adran 3 yr adroddiad;

2)        Cymeradwyo ffïoedd, taliadau a lwfansau fel a amlinellir yn Adran 4 yr adroddiad;

3)        Cynigion y gyllideb refeniw fel a nodwyd yn Adran 4 yr adroddiad.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd y Swyddog Adran 151 adroddiad a oedd yn cynnig Cyllideb Gyfalaf ddiwygiedig ar gyfer 2019-2020 a Chyllideb Gyfalaf ar gyfer 2020-2021 - 2023-2024.

Penderfynwyd argymell y canlynol i'r cyngor i'w cymeradwyo:

1)          Cymeradwyo'r trosglwyddiadau rhwng cynlluniau a'r cyllidebau diwygiedig ar gyfer cynlluniau yn 2019-2020;

2)          Cymeradwyo cynigion cyllidebol 2020-2021 a 2023-2024;

3)          Lle caiff cynlluniau unigol fel y'u dangosir yn Atodiad B yr adroddiad eu rhaglennu dros y cyfnod 4 blynedd a ddisgrifir yn yr adroddiad, caiff y rhain eu dilyn a'u cymeradwyo, a chymeradwyir eu goblygiadau ariannol ar gyfer ariannu dros y 4 blynedd.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd y Swyddog Adran 151 adroddiad a oedd yn ceisio cymeradwyaeth ar gyfer y Strategaeth Gyfalaf sy'n cyfeirio'r Rhaglen Gyfalaf 4 blynedd.

Penderfynwyd:

1)        Cymeradwyo'r Strategaeth Gyfalaf.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd Aelod y Cabinet dros y Gwasanaethau Plant adroddiad a oedd yn ceisio ymgynghori ar gynyddu prisiau ar gyfer Canolfannau Gweithgareddau Gŵyr trwy amrywiaeth o opsiynau i'w hystyried ar gyfer model gweithredu ar gyfer dyfodol Canolfannau Gweithgareddau Gŵyr gyda chyllideb ar sail sero'n unol â'r cynnig cyllidebol ar gyfer 2020-21.

Penderfynwyd:

1)              Cymeradwyo'r cynigion a amlinellwyd i ymgynghori arnynt fel isod:

2)              Cynnig 1 - Cael gwared ar BOB cymhorthdal ar gyfer ysgolion Abertawe a disgyblion sy'n derbyn prydau ysgol am ddim (PYDd) a sefydlu pris mwy masnachol sy'n seiliedig ar brisiau'r farchnad bresennol, a chyflwyno'r cynnig yn ehangach nag ysgolion Abertawe'n unig (ymgynghoriad cyhoeddus);

3)              Cynnig 2 - ailstrwythuro staff ymhellach i gyfuno swyddi a defnyddio staff tymhorol/cymorth pan fo angen (ymgynghoriad mewnol).

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd y Swyddog Adran 151 adroddiad a oedd yn darparu gwybodaeth ac yn ystyried mabwysiadu Cynllun Rhyddhad Ardrethi’r Stryd Fawr ac Ardrethi Manwerthu newydd dros dro sy'n berthnasol i Ardrethi busnes, a gyflwynwyd gan Lywodraeth Cymru ar gyfer blwyddyn ariannol 2020-2021.

Penderfynwyd:

1)              Nodi manylion y cynllun yn yr adroddiad;

2)        Mabwysiadu'r Cynllun Cymorth Ardrethi a'r broses ymgeisio fel y'u nodir yn yr adroddiad, ar gyfer 2020-2021.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd ar y canlynol:

1)              Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Cyflwynodd Aelod y Cabinet dros Gyflwyno a Pherfformiad adroddiad a oedd yn ceisio caniatâd i gael gwared ar dir dros ben yn Ysgol yr Olchfa, am y pris gorau, am swm sy'n fwy na chyfyngiadau'r awdurdod dirprwyedig.

Penderfynwyd:

1)              Nodi argymhellion asiantiaid gwerthu tir penodedig y cyngor a chymeradwyo gwerthu'r tir i Gynigiwr 2;

2)              Dirprwyo awdurdod i Gyfarwyddwr Lleoedd ar y cyd ag Aelod y Cabinet dros Gyflwyno a Pherfformiad i drafod y Penawdau Telerau terfynol a chymryd pob cam gweithredu angenrheidiol i drefnu gwaredu'r tir;

3)              Dirprwyo awdurdod i'r Prif Swyddog Cyfreithiol i gael mynediad at unrhyw ddogfennaeth y mae ei hangen i gyflawni'r gweithrediad.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd y dylid gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Cyflwynodd Aelod y Cabinet dros Gyflwyno a Pherfformiad adroddiad a oedd yn rhoi gwybodaeth gefndir ychwanegol sy'n berthnasol i Adroddiad Arfaethedig "Gwerthu Tir Addysg Dros Ben yn Ysgol yr Olchfa".

Penderfynwyd cymeradwyo'r argymhellion, fel y'u hamlinellir yn yr adroddiad.