Agenda a Chofnodion

www.abertawe.gov.uk/DatgeluCysylltiadau

Yn unol â’r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)              Datganodd y Cynghorydd R C Stewart gysylltiad personol a rhagfarnol â chofnod 170 "Penodiadau Llywodraethwyr yr Awdurdod Lleol" a gadawodd y cyfarfod cyn iddo ddechrau;

2)              Datganodd y Cynghorwyr M C Child a R Francis-Davies gysylltiad personol â Chofnod 174 "Adroddiad Blynyddol Parneriaethau Hamdden 2018/19”;

3)              Datganodd y Prif Weithredwr, Phil Roberts gysylltiad personol â Chofnod 179 "Gwella Ysgolion – Trefniadau Gweithio’r Dyfodol”.

Cymeradwyo a llofnodi, fel cofnod cywir, gofnodion y cyfarfod blaenorol.

Penderfynwyd cymeradwyo a llofnodi cofnodion y cyfarfod a restrir isod fel cofnod cywir:

1)              Cyfarfod o'r Cabinet Arbennig a gynhaliwyd ar 20 Chwefror 2020;

2)              Cyfarfod o'r Cabinet Arbennig a gynhaliwyd ar 28 Chwefror 2020.

1)              Covid-19

Diolchodd Arweinydd y Cyngor i bawb sydd wedi, ac sy’n parhau i gynorthwyo gyda’r trefniadau ar draws Abertawe mewn perthynas â phandemig Covid-19.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Aelod y Cabinet dros Drawsnewid Busnes a Pherfformiad adroddiad a oedd yn amlinellu'r Perfformiad Corfforaethol ar gyfer Chwarter 3 2019/2020.

Penderfynwyd ar y canlynol:

1)              Nodi ac adolygu'r canlyniadau perfformiad i helpu i gyfeirio penderfyniadau gweithredol ynglŷn â dyrannu adnoddau a, lle bo'n berthnasol, gamau gweithredu cywiro i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Cyflwynodd Aelod y Cabinet dros Gyflwyno a Pherfformiad adroddiad a oedd yn cyhoeddi Cynllun Corfforaethol diwygiedig sy'n cynnwys Amcanion Lles y cyngor ar gyfer 2020/22 yn unol â'r gofynion a nodir yn Neddf Llesiant Cenedlaethau'r Dyfodol (Cymru) 2015 a'r arweiniad statudol sy'n berthnasol i Gyrff Cyhoeddus.

Penderfynwyd ar y canlynol:

1)              Cymeradwyo'r Cynllun Corfforaethol diwygiedig ar gyfer 2020/22.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd ar y canlynol:

1)              Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Cyflwynodd Aelod y Cabinet dros Fuddsoddi, Adfywio a Thwristiaeth adroddiad a oedd yn ceisio cymeradwyaeth i roi prydles i Gyngor Hil Cymru a chreu Canolfan Ddiwylliannol a Digidol yn Adain y Celfyddydau Theatr y Grand Abertawe at ddefnydd y gymuned.

Penderfynwyd ar y canlynol:

1)              Cymeradwyo rhoi cytundeb rheoli a phrydles 5 mlynedd i Gyngor Hil Cymru, gyda'r opsiwn i adnewyddu am 5 mlynedd arall yn ôl disgresiwn y cyngor;

2)              Dirprwyo awdurdod i'r Cyfarwyddwr Lleoedd a'r Prif Swyddog Cyfreithiol ar y cyd â'r Aelod Cabinet perthnasol i drafod y Penawdau Telerau terfynol a llunio unrhyw ddogfennaeth sy'n angenrheidiol er mwyn cwblhau'r weithrediad.

Cyflwynodd Aelod y Cabinet dros Wasanaethau Tai, Ynni a Thrawsnewid Gwasanaethau adroddiad a oedd yn darparu manylion y Rhaglen Grant Cyfleusterau i'r Anabl a'r Grant Gwella ac yn ceisio cymeradwyaeth i gynnwys cynlluniau yn Rhaglen Gyfalaf 2020/21. Cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf), i ymrwymo ac awdurdodi cynlluniau yn ôl y Rhaglen Gyfalaf.

Penderfynwyd ar y canlynol:

1)              Y dylid cymeradwyo'r Rhaglen Grant Cyfleusterau i'r Anabl a'r Grant Gwella, fel y'i nodwyd, gan gynnwys ei goblygiadau ariannol, ac y dylid ei chynnwys yng Nghyllideb Gyfalaf 21/2020;

2)              Adolygu Polisi Adnewyddu ac Addasiadau i'r Anabl y Sector Preifat yn 2020/21 er mwyn helpu i gyfeirio gofynion cyllido'r rhaglen yn y dyfodol.

Cyflwynodd Aelod y Cabinet dros yr Economi a Strategaeth adroddiad a oedd yn ceisio cytundeb ar y cynlluniau i'w hariannu drwy'r Rhaglen Cynnal a Chadw Cyfalaf.

Penderfynwyd ar y canlynol:

1)              Cymeradwyo'r cynlluniau cynnal a chadw cyfalaf arfaethedig a restrir yn Atodiad A i'r adroddiad;

2)              Cymeradwyo'r cynlluniau a'u goblygiadau ariannol fel a nodwyd yn Atodiad C yr adroddiad i'w cynnwys yn y Rhaglen Gyfalaf.

Cyflwynodd Aelod y Cabinet dros Fuddsoddi, Adfywio a Thwristiaeth adroddiad a oedd yn darparu gwybodaeth am weithdrefnau partneriaeth cyfleusterau allweddol ym mhortffolio'r Gwasanaethau Diwylliannol.

Penderfynwyd ar y canlynol:

1)              Y dylid nodi'r adroddiad.

Cyflwynodd Aelod y Cabinet dros yr Amgylchedd a Rheoli Isadeiledd adroddiad a oedd yn ceisio cadarnhad am y Rhaglen Gwaith Cyfalaf ar gyfer asedau'r isadeiledd priffyrdd.

Penderfynwyd ar y canlynol:

1)              Dylid cymeradwyo'r dyraniadau arfaethedig, ynghyd â'r Goblygiadau Ariannol a nodir yn Atodiad A yr adroddiad, a'u cynnwys yn y Rhaglen Gyfalaf;

2)              Dirprwyo awdurdod i Bennaeth y Gwasanaeth Priffyrdd a Chludiant gyda chydsyniad Aelod y Cabinet dros yr Amgylchedd a Rheoli Isadeiledd i flaenoriaethu, cwblhau a dyrannu'r arian i'r cynlluniau priodol yn unol â'r ymagwedd flaenoriaethu a nodwyd yn yr adroddiad;

3)              Cymeradwyo'r Blaenraglen Waith Priffyrdd 5 mlynedd.

Cyflwynodd Aelod y Cabinet dros Gymunedau Gwell adroddiad a oedd yn rhoi diweddariad ac yn diwygio'r meini prawf ar gyfer cyflwyno'r cynllun Cyllideb Gymunedol i adlewyrchu'r gallu i wneud cais am ddyraniad cyfalaf ychwanegol.

Penderfynwyd ar y canlynol:

1)              Cymeradwyo'r arweiniad diwygiedig sy'n ymwneud â Chyllidebau Cymunedol (Refeniw a Chyfalaf).

Cyflwynodd Aelod y Cabinet dros Fuddsoddi, Adfywio a Thwristiaeth adroddiad a oedd yn ceisio cymeradwyaeth i drafod Penawdau Telerau, cytuno arnynt ac ymrwymo i brydles gyda Chyngor Cymuned Clydach ar gyfer Parc Coed Gwilym, gan gynnwys rheoli defnydd cymunedol a llogi a gosod eilaidd yn ddi-oed.

Penderfynwyd ar y canlynol:

1)              Ar ôl ystyried yr adroddiad llafar a oedd yn amlinellu'r ymateb i broses ymgynghori statudol mannau agored cyhoeddus, cymeradwywyd y cynigion i waredu'r tir a nodwyd y goblygiadau ariannol a gweithredol;

2)              Dirprwyo awdurdod i'r Cyfarwyddwr Lleoedd drafod a phenderfynu ar delerau'r brydles arfaethedig (ac unrhyw Weithredoedd Amrywiad wedi hynny) a dirprwyo awdurdod i'r Prif Swyddog Cyfreithiol er mwyn cwblhau'r ddogfennaeth gyfreithiol;

3)              Cymeradwyo'r uchelgeisiau tymor hir a'r rhaglen welliannau fesul cam a gynigwyd gan Gyngor Cyngor Cymuned Clydach mewn egwyddor;

4)              Awdurdodi'r Cyfarwyddwr Lleoedd i gytuno ar y rhaglen fesul cam, ar yr amod y bodlonir yr adolygiadau agoriadol a cherrig milltir, y cyllid, mynediad,  contractau ac unrhyw gymeradwyaethau a gweithdrefnau gofynnol eraill.

Cyflwynodd Aelod y Cabinet dros Ofal, Iechyd a Heneiddio'n Dda adroddiad a oedd yn ceisio arian cyfalaf cymeradwyaeth ar gyfer y Gronfa Gofal Integredig (GGI) ar gyfer Cyngor Abertawe ac i gydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) er mwyn neilltuo ac awdurdodi cynllun i’r Rhaglen Gyfalaf.

Penderfynwyd ar y canlynol:

1)              Nodi'r cynlluniau sy'n cael eu hamlinellu yn yr adroddiad a'u goblygiadau ariannol a'u hychwanegu at Raglen Gyfalaf y cyngor.

Gweithdrefn Galw i Mewn - Brys: Mae’r penderfyniad hwn yn rhydd o Weithdrefn Galw i Mewn yr awdurdod gan fod “naill ai Pennaeth y Gwasanaeth Cyflogedig, y Swyddog Adran 151 neu'r Swyddog Monitro'n ardystio y gallai unrhyw oedi sy'n debygol o gael ei achosi gan y weithdrefn galw i mewn wneud niwed i'r cyngor neu fudd y cyhoedd, gan gynnwys methu cydymffurfio â gofynion statudol".

Cyflwynodd Aelod y Cabinet dros yr Economi a Strategaeth adroddiad a oedd yn rhoi hysbysiad i adael y Gwasanaeth Gwella Ysgolion Rhanbarthol, ERW.

Penderfynwyd ar y canlynol:

1)              Cymeradwyo model newydd ar gyfer gwella ysgolion yn seiliedig ar strwythur y Fargen Ddinesig mewn egwyddor;

2)              Bydd yr awdurdod yn gadael y trefniant consortiwm presennol trwy ERW erbyn 1 Ebrill 2021 ac yn cyflwyno hysbysiad ysgrifenedig i bob un o'r awdurdodau eraill erbyn 31 Mawrth 2020;

3)              Cynnal trafodaethau â Chynghorau Partner Dinas-ranbarth Bae Abertawe a Llywodraeth Cymru i gytuno ar drefniadau cydweithio yn y dyfodol er mwyn gwella ysgolion.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A o Ddeddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad at Wybodaeth) (Amrywiad) (Cymru) 2007 mewn perthynas ag eitemau busnes y nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd y dylid gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Cyflwynodd Aelod y Cabinet dros Gyflwyno a Pherfformiad adroddiad a oedd yn rhoi'r diweddaraf am y gweithgareddau rheoli ystadau presennol ym Maes Awyr Abertawe, gan gynnwys atal trwydded weithredu'r Awdurdod Hedfan Sifil (AHS) dros dro.

Penderfynwyd cymeradwyo'r argymhellion, fel y'u hamlinellir yn yr adroddiad.

Cyflwynwyd adroddiad gan Aelod y Cabinet dros Fuddsoddi, Adfywio a Thwristiaeth a oedd yn ceisio cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) er mwyn neilltuo ac awdurdodi ychwanegu cynlluniau newydd at y Rhaglen Gyfalaf.

Penderfynwyd cymeradwyo'r argymhellion, fel y'u hamlinellir yn yr adroddiad.

Cyflwynodd Aelod y Cabinet dros yr Economi a Strategaeth adroddiad a oedd yn ceisio cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) er mwyn neilltuo ac awdurdodi cynnwys y Gronfa Gyfalaf Ysgogi Economaidd.

Penderfynwyd cymeradwyo'r argymhellion, fel y'u hamlinellir yn yr adroddiad.

Cyflwynodd Aelodau'r Cabinet dros Gartrefi, Ynni a Thrawsnewid Gwasanaethau, Cydnerthedd a Chydweithio Strategol a Buddsoddi, Adfywio a Thwristiaeth adroddiad ar y cyd a oedd yn ceisio cydymffurfio â Rheol 7 y Weithdrefn Ariannol (Rhaglennu ac Arfarniadau Cyfalaf) er mwyn neilltuo ac awdurdodi ychwanegu cynlluniau newydd at y Rhaglen Gyfalaf.

Penderfynwyd cymeradwyo'r argymhellion, fel y'u hamlinellir yn yr adroddiad.