Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y cysylltiadau canlynol:

1)              Datganodd y Cynghorydd J A Raynor gysylltiad personol a rhagfarnol â Chofnod 39 "Penodiadau Llywodraethwyr yr Awdurdod Lleol" a gadawodd y cyfarfod cyn ei ystyried.

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir yn ddibynnol ar y Cynghorydd G D Walker yn cael ei ychwanegu at y rhestr o gynghorwyr a oedd yn bresennol:

1)              Cyfarfod y Cabinet a gynhaliwyd ar 21 Mehefin 2018.

Ni wnaed unrhyw gyhoeddiadau gan Arweinydd y Cyngor.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Gofynnwyd nifer o gwestiynau mewn perthynas â Chofnod 34 “Darpariaeth a Strwythyr yr Uned Cyflawniad Lleiafrifoedd Ethnig yn y Dyfodol”.

Ymatebodd yr aelod perthnasol o'r Cabinet.

Ni ofynnwyd unrhyw gwestiynau.

Cyflwynodd y Cynghorydd C E Lloyd, yr adborth craffu cyn penderfynu.

Cyflwynodd Aelod y Cabinet dros Wella Addysg, Dysgu a Sgiliau adroddiad a oedd yn argymell camau gweithredu yn dilyn yr ymgynghoriad ar newidiadau arwyddocaol i strwythur a chyflwyniad yr Uned Cyflawniad Lleiafrifoedd Ethnig (EMAU).

Penderfynwyd:

1)              Yn dilyn yr ymgynghoriadau ehangach â staff a rhanddeiliaid a gynhaliwyd rhwng mis Mawrth a mis Mai 2018, y dylid cymeradwyo Opsiwn 2 fel y'i nodwyd yn yr adroddiad i'w roi ar waith ar 1 Ionawr 2019.

Cyflwynodd Aelod y Cabinet dros Drawsnewid Busnes a Pherfformiad adroddiad a oedd yn amlinellu Perfformiad Corfforaethol 2017-2018.

Penderfynwyd:

1)              Nodi ac adolygu'r canlyniadau perfformiad i helpu i gyfeirio penderfyniadau gweithredol ynglŷn â dyrannu adnoddau a, lle bo'n berthnasol, gamau gweithredu cywiro i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Cyflwynodd Swyddog Adran 151 adroddiad a oedd yn manylu ar yr alldro cyllidebol refeniw ar gyfer 2017-2018.

Penderfynwyd:

1)              Nodi'r sylwadau a'r amrywiadau yn yr adroddiad a chymeradwyo'r trosglwyddiadau wrth gefn arfaethedig a fanylwyd yn Adran 7.3 yr adroddiad.

Cyflwynodd Swyddog Adran 151 adroddiad a oedd yn manylu ar alldro Cyfrif Refeniw Tai (CRT) Dinas a Sir Abertawe yn 2017-2018 o'i gymharu â'r gyllideb refeniw gymeradwy ar gyfer 2017-2018.

Penderfynwyd:

1)              Nodi'r amrywiadau a fanylwyd yn yr adroddiad.

Cyflwynodd Aelod y Cabinet dros yr Economi a Strategaeth adroddiad a oedd yn manylu ar yr alldro a'r cyllidebu cyfalaf am y flwyddyn a ddaeth i ben ar 31 Mawrth 2018.

Penderfynwyd:

1)              Cario tanwariant net y gyllideb gymeradwy £26.019m ymlaen i 2018-2019;

2)              Nodi'r prif resymau dros y tanwario a amlinellwyd yn Atodiad C yr adroddiad.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd:

1)              Cymeradwyo'r enwebiadau canlynol a argymhellwyd gan y Prif Swyddog Addysg ar y cyd ag Aelod y Cabinet dros Blant, Addysg a Dysgu Gydol Oes:

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel a nodir ym mharagraff gwahardd Atodlen 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

PENDERFYNWYD y dylid gwahardd y cyhoedd ar gyfer yr eitem(au) f/busnes canlynol.

(Sesiwn Gaeëdig)

Cyflwynodd Aelod y Cabinet dros Drawsnewid Busnes a Pherfformiad adroddiad a oedd yn ceisio cymeradwyaeth ar gyfer prynu dau eiddo fel rhan o'r Gronfa Buddsoddi mewn Eiddo. Crëwyd y Gronfa yn dilyn penderfyniad gan y Cabinet a wnaed ar 21 Gorffennaf 2016.

Penderfynwyd cymeradwyo'r argymhellion, fel y'u hamlinellir yn yr adroddiad.