Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiad(au) canlynol:

1)               Datganodd y Cynghorydd M C Child gysylltiad personol a rhagfarnol â Chofnod 172, “Adborth Craffu Cyn Penderfynu ar Ganlyniad Adolygiadau Comisiynu Gwasanaethau Gofal Preswyl a Dydd i Bobl Hŷn”, a 173, “Canlyniad Adolygiadau Comisiynu Gwasanaethau Gofal Preswyl a Dydd i Bobl Hŷn”, ond arhosodd, siaradodd a phleidleisiodd o ganlyniad i'w ollyngiad gan y Pwyllgor Safonau;

2)         Datganodd y Cynghorwyr M C Child, W Evans, R Francis-Davies, D H Hopkins, A S Lewis, C E Lloyd ac M Thomas gysylltiad personol a rhagfarnol â Chofnod 178, "Penodiadau Llywodraethwyr yr Awdurdod Lleol";

3)              Datganodd y Cynghorydd J A Raynor ac M Sherwood gysylltiad personol a rhagfarnol â Chofnod 178, "Penodiadau Llywodraethwyr yr Awdurdod Lleol", a gadawodd y cyfarfod cyn ei ystyried.

Cymeradwyo a llofnodi cofnodion y cyfarfod(ydd) blaenorol fel cofnod cywir

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)              Cyfarfod y Cabinet a gynhaliwyd ar 15 Mawrth 2018;

2)              Cyfarfod o'r Cabinet Arbennig a gynhaliwyd ar 22 Mawrth 2018.

Nododd Arweinydd y Cyngor y caiff system e-bleidleisio'r awdurdod ei phrofi; fodd bynnag, nid hon fyddai'r bleidlais ffurfiol. Byddai'r weithdrefn bleidleisio draddodiadol  sef codi llaw yn cael ei defnyddio i gofnodi'r bleidlais ffurfiol.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Ni ofynnwyd unrhyw gwestiynau.

Gofynnodd y Cynghorydd A M Day nifer o gwestiynau ynghylch Cofnod 172, “Adborth Craffu Cyn Penderfynu ar Ganlyniad Adolygiadau Comisiynu Gwasanaethau Gofal Preswyl a Dydd i Bobl Hŷn”, a Chofnod 173, “Canlyniad Adolygiadau Comisiynu Gwasanaethau Gofal Preswyl a Dydd i Bobl Hŷn”.

Ymatebodd Aelod y Cabinet dros Iechyd a Lles.

Cyflwynodd y Cynghorydd P M Black yr adborth craffu cyn penderfynu gan Banel Craffu Perfformiad y Gwasanaethau i Oedolion.

Cyflwynodd Aelod y Cabinet dros Iechyd a Lles adroddiad a oedd yn amlinellu'r opsiynau a ffefrir ar gyfer Adolygiadau Comisiynu Gwasanaethau Gofal Preswyl a Dydd i Bobl Hŷn, er mwyn bwrw ymlaen ag ymgynghoriad staff a chyhoeddus ar yr opsiynau a ffefrir.

Penderfynwyd ar y canlynol:

1)              Caiff ailalluogi gofal cymhleth a phreswyl ei gomisiynu drwy wasanaeth preswyl mewnol yr awdurdod a chrynhoir seibiant preswyl yn y gwasanaeth mewnol, oni bai fod defnyddwyr gwasanaeth yn dewis gofal seibiant neu gymhleth yn y sector annibynnol.

2)              Y bydd yr awdurdod yn bwrw ymlaen i gynnal ymgynghoriad staff a chyhoeddus 12 wythnos ar y cynnig i gynnal model cyflwyno cymysg o wasanaethau mewnol ac allanol a defnyddio mwy o arbenigedd o ran gwelyau mewnol;

3)              Y bydd yr awdurdod yn bwrw ymlaen ag ymgynghoriad staff a chyhoeddus 12 wythnos ar y cynnig i drawsnewid y gwasanaeth dydd fel ei fod yn canolbwyntio ar ddibyniaeth uwch a gofal cymhleth/dementia.

Cyflwynodd Aelod y Cabinet dros Iechyd a Lles adroddiad a oedd yn darparu trosolwg o gynnydd hyd yn hyn gyda'r Adolygiadau Comisiynu Gwasanaethau i Oedolion o ran y ddarpariaeth llety a thai a gwasanaethau dydd i oedolion ag anabledd dysgu a nam synhwyraidd, ac iechyd meddwl, gyda golwg ar geisio cytundeb ar y strategaethau hynny.

Penderfynwyd cymeradwyo'r strategaethau canlynol:

1)              Strategaeth Comisiynu Iechyd Meddwl;

2)              Strategaeth Comisiynu Gwasanaethau Anableddau Dysgu;

3)              Strategaeth Comisiynu Anableddau Corfforol a Namau Synhwyraidd.

Cyflwynodd Aelod y Cabinet dros Wasanaethau Tai, Ynni ac Adeiladau adroddiad a oedd yn darparu manylion y Rhaglen Grant Cyfleusterau i'r Anabl a'u Gwella ac yn ceisio cymeradwyaeth i gynnwys cynlluniau yn Rhaglen Gyfalaf 2018-2019.  Mae'r adroddiad yn cydymffurfio â Rheol Gweithdrefn Ariannol 7 "Rhaglennu ac Arfarniadau Cyfalaf" - i ymrwymo ac awdurdodi cynlluniau yn ôl y Rhaglen Gyfalaf.

Penderfynwyd ar y canlynol:

1)              Y dylid cymeradwyo'r Rhaglen Grant Cyfleusterau i'r Anabl a'u Gwella, fel y'i nodwyd, gan gynnwys ei goblygiadau ariannol, ac y dylid ei chynnwys yng Nghyllideb Gyfalaf 2019-2017.

Cyflwynodd Aelod y Cabinet dros Iechyd a Lles adroddiad a oedd yn amlygu'r  ddyletswydd gyfreithiol i gyflawni trefniadau cronfa a rennir ar gyfer cartrefi gofal ac yn gwneud argymhellion i'w rhoi ar waith.

Penderfynwyd ar y canlynol:

1)              Rhoi opsiwn 1, fel y'i hamlinellir yn yr adroddiad, ar waith.

Cyflwynodd Aelod y Cabinet dros Wasanaethau'r Amgylchedd adroddiad a oedd yn cadarnhau'r grant (cyfalaf) Rheoli Perygl Llifogydd ac Arfordiroedd gan Lywodraeth Cymru ac yn cynnwys gwariant yn y Rhaglen Gyfalaf ar gyfer 2018-2019.

Penderfynwyd ar y canlynol:

1)              Y dylid cadarnhau'r grant (cyfalaf) Rheoli Perygl Llifogydd ac Arfordiroedd sef £682,500 ac y dylid cynnwys 25% o arian cyfatebol ar gyfer y cynllun yn y Rhaglen Gyfalaf ar gyfer y blynyddoedd 2018 i 2020.  Cyfanswm cost cam cychwynnol y cynllun yw £910,000.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd ar y canlynol:

1)              Y dylid cymeradwyo'r enwebiadau canlynol a argymhellwyd gan y Prif Swyddog Addysg ar y cyd ag Aelod y Cabinet dros Blant, Addysg a Dysgu Gydol Oes: