Agenda a Chofnodion

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)    Cyfarfod y Cabinet a gynhaliwyd ar 8 Chwefror 2018; a

2)    Chyfarfod y Cabinet a gynhaliwyd ar 15 Chwefror 2018.

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y cysylltiadau canlynol:

Y Cynghorwyr M C Child, W Evans, R Francis-Davies, M Sherwood, R Stewart ac M Thomas - Personol - Cofnod Rhif 156 - "Penodiadau Llywodraethwyr yr Awdurdod Lleol”.

Y Cynghorwyr A S Lewis a J A Raynor - Personol a rhagfarnol - Cofnod Rhif 156 - "Penodiadau Llywodraethwyr yr Awdurdod Lleol" a gadawsant y cyfarfod cyn iddo gael ei ystyried.

Y Cynghorydd J A Raynor - Personol - Cofnod Rhif 159 a 161 - "Gwerthu Tir Dros Ben yn Ysgol Gyfun yr Olchfa”.

Ni wnaed unrhyw gyhoeddiadau gan Arweinydd y Cyngor.

Questions must relate to matters on the open part of the Agenda of the meeting and will be dealt within a 10 minute period.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Aelodau'r Cabinet dros Gymunedau Cryfach a Thai, Ynni a'r Gwasanaethau Adeiladau adroddiad a oedd yn darparu trosolwg o'r ddeddf newydd sef Deddf Ymddygiad Gwrthgymdeithasol, Troseddu a Phlismona 2014.

Penderfynwyd:

1)    Bod gan y Cyfarwyddwyr Corfforaethol ar gyfer Pobl, Lleoedd ac Adnoddau awdurdod dirprwyedig i arfer, mewn ymgynghoriad ag Aelod y Cabinet dros Gymunedau Cryfach, y pwerau newydd sydd ar gael i'r cyngor fynd i'r afael ag ymddygiad gwrthgymdeithasol fel y'u hamlinellir yn yr adroddiad;

2)    Bod gan y Cyfarwyddwyr Corfforaethol ar gyfer Pobl, Lleoedd ac Adnoddau awdurdod dirprwyedig, mewn ymgynghoriad ag Aelod y Cabinet dros Gymunedau Cryfach, i gychwyn achosion ar gyfer gwaharddebau dinesig, rhoi Hysbysiadau Gwarchod y Gymuned, creu Gwarchodebau Mannau Cyhoeddus a rhoi gorchmynion cau am 24 awr ynghyd ag awdurdod i roi Hysbysiadau o Gosb Benodol o dan Ran 4, Pennod 1 Deddf Ymddygiad Gwrthgymdeithasol, Troseddu a Phlismona 2014; ac

3)     Awdurdodi Pennaeth y Gwasanaethau Cyfreithiol, Democrataidd a Deallusrwydd Busnes i gyflwyno ceisiadau am unrhyw estyniad angenrheidiol i orchymyn cau am 24 awr neu gyflwyno ceisiadau ar gyfer rhoi gorchymyn am gyfnod o 48 awr.

Cyflwynodd Cadeirydd y Pwyllgor Datblygu a Chyflwyno Polisi Lleihau Tlodi adroddiad a oedd yn ceisio cymeradwyaeth ar gyfer yr argymhelliad i gryfhau'r Cynnig Gofal Plant.

Penderfynwyd y dylid:

1)    Ysgrifennu llythyr i Lywodraeth Cymru i: (i) Ofyn am hyblygrwydd i feini prawf cymhwysedd y cynnig (ii) Ceisio sicrhad y bydd y cynnig yn un tymor hir a

2)    Datblygu ymagwedd gydlynol at gyflogadwyedd (drwy'r Fforwm Partneriaeth Tlodi) fel bod rhieni plant ifanc yn cael eu blaenoriaethu er mwyn bod mewn sefyllfa i elwa o'r Cynnig Gofal Plant.

Cyflwynodd Aelod y Cabinet dros Drawsnewid Gwasanaethau a Gweithrediadau Busnes adroddiad a oedd yn amlinellu'r perfformiad corfforaethol ar gyfer 3ydd Chwarter  2017-18.

Penderfynwyd:

1)    Nodi ac adolygu'r canlyniadau perfformiad i helpu i gyfeirio penderfyniadau gweithredol ynglŷn â dyrannu adnoddau a, lle bo'n berthnasol, gamau gweithredu cywiro i reoli a gwella perfformiad ac effeithlonrwydd wrth gyflawni blaenoriaethau lleol a chenedlaethol.

Cyflwynodd Aelod y Cabinet dros Iechyd a Lles adroddiad a oedd yn ceisio cymeradwyaeth ar gyfer Cynllun Ardal Bae'r Gorllewin (2018-2023) a'r Cynllun Gweithredu (2018/19).

Penderfynwyd:

1)    Cymeradwyo Cynllun Ardal a Chynllun Gweithredu Bae'r Gorllewin;

2)    Awdurdodi Prif Swyddog y Gwasanaethau Cymdeithasol i gyhoeddi dolen â'r Cynllun Ardal a'r Cynllun Gweithredu ar wefan y cyngor; ac

3)    Awdurdodi'r Cyfarwyddwr Pobl i gyflwyno Cynllun Ardal a Chynllun Gweithredu i Weinidogion Cymru ar ran y tri awdurdod lleol a bwrdd iechyd rhanbarth Bae'r Gorllewin, wedi'u cydlofnodi gan arweinydd y Cyngor ac arweinwyr CBS Pen-y-bont ar Ogwr a Chastell-nedd Port Talbot a Chadeirydd Bwrdd Iechyd PABM.

Cyflwynodd Aelod y Cabinet dros Iechyd a Lles adroddiad a oedd yn amlinellu'r Strategaeth Atal a'r Cynllun Cyflawni cysylltiedig i'w cymeradwyo'n dilyn ymgynghoriad estynedig.

Penderfynwyd:

1)    Cymeradwyo'r Strategaeth Atal a'r Cynllun Cyflawni cysylltiedig.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd y dylid gwahardd y cyhoedd ar gyfer yr eitem(au) f/busnes canlynol.

(Sesiwn Gaeedig)

Cyflwynodd Aelod y Cabinet dros Iechyd a Lles achos busnes er mwyn rhoi System Wybodaeth Gofal Cymunedol Cymru (CCISC) ar waith yng Nghyngor Abertawe. 

Penderfynwyd cymeradwyo'r argymhellion, fel y'u hamlinellir yn yr adroddiad.

Cyflwynodd Arweinydd y Cyngor ar ran Aelod y Cabinet dros Blant, Addysg a Dysgu Gydol Oes adroddiad a oedd yn ceisio cymeradwyaeth ar gyfer yr enwebiadau a gyflwynwyd er mwyn llenwi swyddi gwag Llywodraethwyr Awdurdod Lleol mewn cyrff llywodraethu.

Penderfynwyd cymeradwyo'r enwebiadau a restrir isod:

Cyflwynodd Aelod y Cabinet dros Dai, Ynni a Gwasanaethau Adeiladau adroddiad a oedd yn ceisio cytundeb ar y cynlluniau i'w hariannu drwy'r Rhaglen Cynnal a Chadw Cyfalaf.

Penderfynwyd:

1)    Cymeradwyo'r cynlluniau cynnal a chadw cyfalaf arfaethedig a restrir yn Atodiad A (i'r adroddiad); a

2)    Chynnwys y goblygiadau ariannol a nodwyd yn Atodiad B ac C (i'r adroddiad) yn y rhaglen gyfalaf.

Cyflwynodd Aelod y Cabinet dros Wasanaethau Amgylcheddol adroddiad a oedd yn ceisio cadarnhad am y Rhaglen Gwaith Cyfalaf ar gyfer asedau'r isadeiledd priffyrdd.

Penderfynwyd:

1)    Cymeradwyo'r dyraniadau arfaethedig, ynghyd â'r Goblygiadau Ariannol a nodir yn Atodiad A (yr adroddiad), ac y dylid eu cynnwys yn y Rhaglen Gyfalaf; a

2)    Dirprwyo awdurdod i'r Pennaeth Gwasanaeth Priffyrdd a Chludiant, ar y cyd ag Aelod y Cabinet dros yr Amgylchedd, flaenoriaethu, cwblhau a dyrannu cyllid i'r cynlluniau hynny na chyfeirir yn benodol atynt yn yr adroddiad.

Cyflwynodd Aelod y Cabinet dros Blant, Addysg a Dysgu Gydol Oes adroddiad a oedd yn manylu ar yr ymatebion i'r ymgynghoriad a gynhaliwyd yn unol â Rheoliadau Caeau Chwarae (Ymgysylltiad Cymunedau â Phenderfyniadau Gwaredu) (Cymru) 2015 mewn perthynas â'r bwriad i'w werthu fel yr amlinellir yn yr adroddiad.

Nododd Aelod y Cabinet fod ffeil sy'n cynnwys yr holl ohebiaeth o ran yr ymgynghoriad a gynhaliwyd wedi'i roi yn Swyddfa’r Cabinet i holl aelodau'r Cabinet ei weld.

Penderfynwyd:

1)    Ystyried a nodi'r ymatebion/gwrthwynebiadau i'r gwerthu arfaethedig;

2)    Datgan nad oes angen y safle sydd oddeutu 7.8 erw (31,566m2) fel y'i dangosir ar y cynlluniau, yn amodol ar ddefnyddio elw o'r gwerthiant i ddarparu arwyneb gemau artiffisial; a

3)    Dirprwyo awdurdod i'r Cyfarwyddwr Lleoedd i fwrw ymlaen â'r gwerthu trwy farchnata'r tir a nodwyd ac adrodd yn ôl i'r Cabinet maes o law wedi iddo wneud hynny.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel a nodir yn yr adroddiad.

Penderfynwyd y dylid gwahardd y cyhoedd ar gyfer yr eitem(au) f/busnes canlynol.

(Sesiwn Gaeedig)

Cyflwynodd Aelod y Cabinet dros Blant, Addysg a Dysgu Gydol Oes adroddiad 'er gwybodaeth' ynghylch prisio'r safle a gwybodaeth ariannol o ran gwerthu'r tir dros ben yn Ysgol Gyfun yr Olchfa (Cofnod 159 uchod).

Nodwyd bod Atodiad B, y cyfeirir ato yn yr adroddiad, wedi'i gynnwys yng Nghofnod Rhif 159 (Cynllun diwygiedig gan gynnwys maes chwarae 3G newydd maint llawn).