Agenda a Chofnodion

www.abertawe.gov.uk/DatgeliadauBuddiannau

Yn unol â darpariaethau'r Côd Ymddygiad a fabwysiadwyd gan Ddinas a Sir Abertawe, ni ddatganwyd unrhyw fuddiannau.

Ni chafwyd unrhyw gyhoeddiadau gan yr Arweinydd.

Gofynnwyd nifer o gwestiynau gan aelodau'r cyhoedd ynghylch y gyllideb.  Ymatebodd Aelod perthnasol y Cabinet yn briodol.  Nid oedd angen ymateb ysgrifenedig ar y cwestiynau atodol.

Ni ofynnwyd unrhyw gwestiynau.

Cyflwynodd Y Cynghorydd C A Holley, Cynullydd y Panel Craffu Perfformiad Gwella Gwasanaethau a Chyllid, barn y panel ynglŷn â'r cynigion cyllidebol.

Cyflwynodd Aelod y Cabinet dros Gyllid a Chyflwyno adroddiad a oedd yn nodi sefyllfa ariannol y cyngor o ran cyllidebau Refeniw a Chyfalaf 2016/17, gan gynnwys cyflwyno arbedion cyllidebol.

PENDERFYNWYD y dylid:

1)            Nodi'r sylwadau a'r amrywiadau y manylwyd arnynt yn yr adroddiad a'r camau gweithredu sydd wrth gefn er mwyn mynd i'r afael â'r rhain.

Cyflwynodd Swyddog Adran 151 adroddiad a oedd yn nodi rhesymwaith a phwrpas o'r Cynllun Ariannol Tymor Canolig a manylir ar y prif ragdybiaethau cyllid ar gyfer y cyfnod a chynigodd strategaeth i gynnal cyllideb gytbwys.

PENDERFYNWYD:

1)            Argymell Cynllun Ariannol Tymor Canolig 2018/19 i 2020/21 i'r cyngor fel sail ar gyfer cynllunio ariannol y gwasanaeth yn y dyfodol.  

Cyflwynodd Swyddog Adran 151 adroddiad a oedd yn nodi'r sefyllfa bresennol o ran y Gyllideb Refeniw ar gyfer 2017-2018.  Roedd yn manylu ar y canlynol:

·                    Monitro Ariannol 2016-2017;

·                    Ardrefniant Cyllid Llywodraeth Leol 2017/2018;

·                    Rhagolwg o gyllideb 2017-2018;

·                    Cynigion penodol ar gyfer arbedion;

·                    Canlyniad yr ymgynghoriad ar y gyllideb

·                    Goblygiadau staffio;

·                    Gofynion cronfeydd a'r gronfa wrth gefn;

·                    Gofynion y Gyllideb a Threth y Cyngor 2017-2018;

·                    Crynodeb o gynigion ariannu;

·                    Risgiau ac ansicrwydd. 

Cynigiwyd yr addasiadau canlynol gan Arweinydd y Cyngor ac Aelod y Cabinet dros Drawsnewid a Pherfformiad.

Newidiadau statudol - ar gyngor y swyddog A151

PENDERFYNWYD:

1)            Nodi canlyniad yr ymarfer ymgynghori cyhoeddus a chytuno ar y newidiadau i'r cynigion cyllidebol yn Atodiad D o'r adroddiad, fel y’u diwygiwyd, ynghyd â'r sefyllfa ynglŷn â'r cyllidebau dirprwyedig fel y nodir yn adran 4.10 yr adroddiad.

2)            Nodi'r bwlch adnoddau presennol, a nodwyd yn adran 4.5 yr adroddiad yn unol â'r camau gweithredu posib a nodir yn adrannau 9 a 10 yr adroddiad y cytunwyd arnynt fel cam gweithredu i gyflawni Cyllideb Refeniw gytbwys ar gyfer 2016-2017;

3)            Yn ogystal ag adolygu'r cynigion arbed presennol, mae’r Cabinet:

a)            Wedi adolygu a chymeradwyo'r trosglwyddiadau wrth gefn a argymhellir yn yr adroddiad;

b)            Wedi cytuno ar lefel Treth y Cyngor ar gyfer 2017-2018 i'w hargymell i'r Cyngor.

4)            Yn amodol ar y newidiadau hyn, fel a nodir ac a restrir uchod, mae'r Cabinet yn argymell y canlynol i'r Cyngor i'w cymeradwyo:

a)            Cyllideb Refeniw ar gyfer 2017-2018;

b)            Gofyniad y Gyllideb ac ardoll Treth y Cyngor ar gyfer 2017-2018.

Awgrymwyd yr addasiadau canlynol i Raglen Gyfalaf 2017-18  gan Arweinydd y Cyngor.

PENDERFYNWYD y dylid:

1)        Argymell y Gyllideb Gyfalaf ddiwygiedig ar gyfer 2016-2017 a'r Gyllideb Gyfalaf ar gyfer 2017-2018 - 2020-2021, fel y'i manylir yn Atodiadau A, B, C, CH a D yr adroddiad, fel y'u diwygiwyd, i'r Cyngor i'w cymeradwyo.

Cyflwynodd Swyddog Adran 151 a'r Cyfarwyddwr Lleoedd adroddiad ar y cyd, a argymhellodd Gyllideb Refeniw ar gyfer 2017-2018 a chynnydd rhent ar gyfer eiddo yn y Cyfrif Refeniw Tai (CRT).

PENDERFYNWYD y dylid argymell y cynigion cyllidebol canlynol i'r Cyngor i'w cymeradwyo;

1)            Cynyddu rhenti yn unol â pholisi gosod rhenti Llywodraeth Cymru, fel y manylir yn Adran 3 yr adroddiad;

2)            Cymeradwyo ffioedd, taliadau a lwfansau fel yr amlinellir yn Adran 3 yr adroddiad;

3)            Cynigion y Gyllideb Refeniw fel y manylir yn Adran 3 o'r adroddiad.

Cyflwynodd Swyddog Adran 151 a'r Cyfarwyddwr Lleoedd adroddiad ar y cyd, a argymhellodd Gyllideb Gyfalaf ddiwygiedig ar gyfer 2016-2017 a Chyllideb Gyfalaf ar gyfer 2017-2018 - 2020-2021.

PENDERFYNWYD y dylid argymell y cynigion cyllidebol canlynol i'r Cyngor i'w cymeradwyo;

1)            Cymeradwyo'r trosglwyddiadau rhwng cynlluniau a'r cyllidebau diwygiedig ar gyfer cynlluniau ar gyfer 2016-2017;

2)            Cymeradwyo'r cynigion cyllidebol ar gyfer 2017-2018 i 2020-2021;

3)            Lle mae cynlluniau unigol, fel y'i nodir yn Atodiad B yr adroddiad, wedi'u rhaglennu dros y cyfnod 4 blynedd, bod ymrwymiad iddynt ac y cânt eu cymeradwyo, a bod eu goblygiadau ariannol ar gyfer ariannu dros y blynyddoedd dilynol hefyd yn cael eu cymeradwyo.