Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol:

1)            Datganodd y Cynghorwr J A Raynor fudd personol yng Nghofnod 199 "Cynnig ar Gyfer Gosod y Canolfan Ddinesig am Dymor Byr".

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

PENDERFYNWYD y dylid cymeradwyo a llofnodi cofnodion y cyfarfod(ydd) a restrir isod fel cofnod cywir:

1)            Cyfarfod y Cabinet a gynhaliwyd ar 16 Mawrth 2017.

1)            Mike Hawes – Ymddeoliad

Diolchodd Arweinydd y Cyngor i Mike Hawes, Cyfarwyddwr Adnoddau a Swyddog Adran 151 am ei waith caled a’i ymroddiad i’r awdurdod dros y blynyddoedd. Nododd mai hwn oedd cyfarfod Cabinet olaf Mr Hawes, ac y byddai’n ymddeol ar ddiwedd mis Mai 2017.

Ar ran y Cabinet, dymunodd ymddeoliad hapus iddo.

2)            Y Cynghorydd Christine Richards – Yn Ymddiswyddo fel Aelod o’r Cabinet

Diolchodd Arweinydd y Cyngor i’r Cynghorydd Christine Richards, Dirprwy Arweinydd y Cyngor ac Aelod y Cabinet dros Blant a Phobl Ifanc am ei gwaith caled a’i hymroddiad i’r awdurdod dros y blynyddoedd. Nododd mai hwn oedd cyfarfod Cabinet olaf y Cynghorydd Richards fel Aelod o’r Cabinet yn dilyn ei phenderfyniad i ymddiswyddo o wleidyddiaeth mainc flaen.

Nododd y byddai’n cael ei chofio am ei mantra, “We need to get joined up around kids”.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd y Cynghorydd H M Morris, o’r Panel Ymchwilio Craffu Pa mor Barod yw Plant i Ddechrau’r Ysgol, adroddiad a oedd yn cyflwyno canfyddiadau, casgliadau ac argymhellion ymchwiliad y Panel i ba mor barod yw plant i ddechrau’r ysgol.

PENDERFYNWYD:

1)            Y dylid nodi'r adroddiad:

2)            Y dylid rhoi'r dasg o ddarparu adroddiad i'r Cabinet i Aelod Cabinet perthnasol gydag ymateb ysgrifenedig i'r argymhellion craffu a'r cam(au) gweithredu arfaethedig.

Cyflwynodd Aelod y Cabinet dros Addysg adroddiad am ganlyniad yr ymgynghoriad a oedd yn ceisio cymeradwyaeth i gyhoeddi hysbysiadau statudol am gynigion i sefydlu tri chyfleuster addysgu arbenigol (CAA) newydd mewn ysgolion o fis Ionawr 2018 yn Ysgol Gynradd Dynfant, Ysgol Gynradd Portmead ac Ysgol Gyfun Gellifedw.

PENDERFYNWYD:

Cyhoeddi'r hysbysiadau statudol i sefydlu tri chyfleuster addysgu arbenigol (CAA) mewn ysgolion o fis Ionawr 2018 yn Ysgol Gynradd Dyfnant, Ysgol Gynradd Portmead ac Ysgol Gyfun Gellifedw.

Cyflwynodd Aelod y Cabinet dros Oedolion a Phobl Ddiamddiffyn adroddiad i gymeradwyo Strategaeth Gomisiynu Bae'r Gorllewin ar gyfer Cartrefi Gofal i Bobl Hŷn.

PENDERFYNWYD:

1)            Cymeradwyo'r ymatebion i'r ymgynghoriad a gynhaliwyd ar y strategaeth;

2)            Cymeradwyo fersiwn ôl-ymgynghoriad Strategaeth Gomisiynu Bae'r Gorllewin ar gyfer Cartrefi Gofal i Bobl Hŷn;

3)            Cymeradwyo'r cynllun gweithredu ar gyfer Abertawe.

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel y nodir yn yr adroddiad.

PENDERFYNWYD y dylid gwahardd y cyhoedd ar gyfer yr eitem(au) f/busnes canlynol.

(SESIWN GAEËDIG)

Cyflwynodd Aelod y Cabinet dros Drawsnewid a Pherfformiad adroddiad er mwyn ystyried cynnig i osod 3ydd llawr y Ganolfan Ddinesig am dymor byr.

PENDERFYNWYD y dylid cymeradwyo'r argymhelliad fel y nodwyd yn yr adroddiad yn amodol ar ddiwygio argymhelliad rhif 3.