Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol:

1)            Datganodd y Cynghorwyr C Richards a R C Stewart fudd personol yng Nghofnod 153 "Penodiadau Llywodraethwyr yr Awdurdod Lleol”;

2)            Datganodd y Cynghorydd A S Lewis a C E Lloyd fudd personol a rhagfarnol yng Nghofnod 153 "Penodiadau Llywodraethwyr yr Awdurdod Lleol” a gadawodd y cyfarfod cyn ei ystyried.

Cymeradwyo a llofnodi, fel cofnod cywir, gofnodion y cyfarfod(ydd) blaenorol

PENDERFYNWYD y dylid cymeradwyo a llofnodi cofnodion y cyfarfod(ydd) a restrir isod fel cofnod cywir:

1)           Cyfarfod y Cabinet a gynhaliwyd ar 19 Ionawr, 2017;

2)            Cabinet Arbennig a gynhaliwyd ar 26 Ionawr 2017.

Ni chafwyd unrhyw gyhoeddiadau gan yr Arweinydd.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Rhoddodd y Cynghorydd P R Hood-Williams adborth craffu cyn penderfynu.

Cyflwynodd Aelod y Cabinet dros Wasanaethau i Blant a Phobl Ifanc adroddiad a oedd yn amlinellu'r broses a’r canfyddiadau gan nodi modelau cyflwyno newydd ar gyfer Clwstwr Cam-drin yn y Cartref Adolygiad Comisiynu Cymorth i Deuluoedd.

PENDERFYNWYD:

1)            Bod yr opsiwn a ffefrir (2) fel a nodir yn adran 3 yr adroddiad fel mesur i wella perfformiad, gwneud y gwasanaeth yn fwy cadarn, a gwneud pethau'n fwy effeithlon, yn briodol i'w gyflwyno ar gyfer gweithredu.

Cyflwynodd Arweinydd y Cyngor adroddiad a oedd yn ceisio awdurdod dirprwyedig iddo ef a'r Prif Weithredwr lofnodi cytundeb mewn egwyddor ar Fargen Ddinesig Bae Abertawe.

PENDERFYNWYD y dylid:

1)            Dirprwyo awdurdod ar y cyd i Arweinydd y Cyngor a'r Prif Weithredwr i lofnodi cytundeb y Fargen Ddinesig mewn egwyddor ar y sail a ddisgrifir yn yr adroddiad;

2)            Gofyn i swyddogion ddod ag adroddiad llawn ychwanegol i'r Cabinet a'r cyngor am unrhyw ymrwymiadau penodol yn dilyn yr Etholiadau Llywodraeth Leol ym mis Mai 2017 os caiff y cytundeb Bargen Ddinesig ei lofnodi mewn egwyddor.

Cyflwynodd Aelod y Cabinet dros Wasanaethau'r Genhedlaeth Nesaf adroddiad a oedd yn amlinellu ymateb i'r argymhellion craffu ac yn cyflwyno cynllun gweithredu ar gyfer cael cytundeb.

PENDERFYNWYD y dylid:

1)         Cytuno ar yr ymateb a amlinellwyd yn yr adroddiad a'r cynllun gweithredu cysylltiedig.

Cyflwynodd Aelod y Cabinet dros Drawsnewid a Pherfformiad adroddiad a oedd yn argymell y ffordd ymlaen ar gyfathrebu unedig gan gynnwys gweithio mewn partneriaeth â Bwrdd Iechyd Prifysgol Abertawe Bro Morgannwg (PABM).

PENDERFYNWYD:

1)            Y bydd yr awdurdod yn cydweithio â PABM drwy uno eu llwyfan teleffoni hynod hydwyth.

2)            Y bydd yr awdurdod yn trawsnewid y ffordd y mae staff yn gweithio drwy leihau nifer y ffonau ar ddesgau a lleihau costau teleffoni;

3)            Cyflwyno technoleg newydd megis Skype ar gyfer busnesau.

Cyflwynodd Aelod y Cabinet dros Wasanaethau i Blant a Phobl ifanc ac Aelod y Cabinet dros Les a Dinas Iach adroddiad a oedd yn cyflwyno'r opsiynau arfaethedig ar gyfer newidiadau i'r gwasanaethau sydd ar gael i blant ag anghenion ychwanegol ac anableddau sydd wedi'u nodi drwy broses gomisiynu ehangach Adolygiad Comisiynu'r Gwasanaethau Cymorth i Deuluoedd.

PENDERFYNWYD y dylid:

1)            Cymeradwyo ymgynghoriad cyhoeddus ar y dewisiadau a gyflwynwyd yn yr adroddiad.

Cyflwynodd Aelod y Cabinet dros Addysg adroddiad a oedd yn ceisio cymeradwyaeth i'r enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

PENDERFYNWYD y dylid:

1)           Cymeradwyo'r enwebiadau canlynol fel y'u hargymellwyd gan Banel Penodi Llywodraethwyr yr ALl:

Gofynnwyd i'r Cabinet wahardd y cyhoedd o'r cyfarfod er mwyn iddo ystyried yr eitem(au) f/busnes a nodwyd yn argymhellion yr adroddiad(au) ar y sail ei bod/eu bod yn debygol o ddatgelu gwybodaeth eithriedig fel y nodir ym mharagraff gwahardd Atodlen 12A Deddf Llywodraeth Leol 1972 fel y'i diwygiwyd gan Orchymyn Llywodraeth Leol (Mynediad i Wybodaeth) (Amrywiad) (Cymru) 2007 mewn perthynas ag eitemau busnes a nodir yn yr adroddiad(au).

Ystyriodd y Cabinet Brawf Budd y Cyhoedd wrth benderfynu a ddylid gwahardd y cyhoedd o'r cyfarfod ar gyfer yr eitem fusnes lle'r oedd Prawf Budd y Cyhoedd yn berthnasol fel y nodir yn yr adroddiad.

PENDERFYNWYD y dylid gwahardd y cyhoedd ar gyfer yr eitem(au) f/busnes canlynol.

(SESIWN GAEËDIG)

Cyflwynodd Aelod y Cabinet dros Drawsnewid a Pherfformiad adroddiad a oedd yn gofyn am ystyried yr opsiynau ar gyfer gwerthu safle 16, Heol y Clâs, Parc Menter Abertawe.

PENDERFYNWYD y dylid cymeradwyo'r argymhelliad fel y nodwyd yn yr adroddiad.