Agenda a Chofnodion

www.abertawe.gov.uk/DatgeliadauBuddiannau

Yn unol â'r Côd Ymddygiad a fabwysiadwyd gan Ddinas a Sir Abertawe, cyhoeddwyd y buddiannau canlynol:

1)            Datganodd y Cynghorydd M C Child fudd personol a rhagfarnol yng Nghofnod 123 “Penodiadau Llywodraethwyr yr Awdurdod Lleol”, a gadawodd y cyfarfod cyn i’r mater gael ei ystyried;

2)            Datganodd y Cynghorwyr A S Lewis ac C Richards fudd personol yng Nghofnod 123 “Penodiadau Llywodraethwyr yr Awdurdod Lleol”.

Cymeradwyo a llofnodi, fel cofnod cywir, gofnodion y cyfarfod(ydd) blaenorol.

PENDERFYNWYD y dylid cymeradwyo a llofnodi cofnodion y cyfarfod(ydd) a restrir isod fel cofnod cywir:

1)           Cabinet Arbennig a gynhaliwyd ar 12 Rhagfyr 2016;

2)            Cyfarfod y Cabinet a gynhaliwyd ar 15 Tachwedd 2016.

Ni chafwyd unrhyw gyhoeddiadau gan yr Arweinydd.

Rhaid i'r cwestiynau ymwneud â materion ar ran agored agenda'r cyfarfod, ac ymdrinnir â hwy o fewn 10 munud.

Holwyd sawl cwestiwn gan aelodau’r cyhoedd. Ymatebodd Aelod perthnasol y Cabinet yn briodol. Rhestrir y cwestiynau hynny yr oedd angen ymateb ysgrifenedig ar eu cyfer isod:

1)            Gofynnodd Peter East gwestiwn a oedd yn ymwneud â Chofnod 58 “Y Diweddaraf am FPR7 - Caffael Llys Dewi Sant a Gwerthu Tir yng Nghae'r Vetch er mwyn Gwneud Lle Ar Gyfer Cyfleuster Newydd”:

i)             “Beth yw arwynebedd llawr y fflatiau newydd?"

Dywedodd Aelod y Cabinet dros Fenter, Datblygu ac Adfywio y byddai ymateb ysgrifenedig yn cael ei ddarparu.

Ni ofynnwyd unrhyw gwestiynau.

Cyflwynodd Aelod y Cabinet dros Oedolion a Phobl Ddiamddiffyn adroddiad a oedd yn ceisio cymeradwyaeth ar gyfer crynodeb Blaenoriaethau Cynllun Strategol Lleol Cynllun Grant y Rhaglen Cefnogi Pobl (SPPG) ar gyfer 2017-2018 a gynhwysir yn y Cynllun Strategol Lleol. Roedd yr adroddiad hefyd yn ceisio cymeradwyaeth ar gyfer cyfres o Flaenoriaethau Strategol Rhanbarthol Drafft ar gyfer Pwyllgor Cydweithredol Rhanbarthol Bae'r Gorllewin.

Roedd yr adroddiad hwn hefyd yn crynhoi'r materion a'r heriau strategol allweddol o ran comisiynu'n lleol gyda'r SPPG, ac yn rhoi trosolwg ariannol lleol.

PENDERFYNWYD y dylid:

1)            Cynnwys y Blaenoriaethau Comisiynu Strategol Pobl Leol yn y cynllun blynyddol, a'u cymeradwyo;

Nodi Blaenoriaethau Strategol Pwyllgor Cydweithredol Rhanbarthol Bae'r Gorllewin a'u cymeradwyo i'w cynnwys yn y Cynllun Strategol Rhanbarthol 3 blynedd.

Cyflwynodd Aelod y Cabinet dros Les a Dinas Iach adroddiad a oedd yn cyflwyno Cynllun Gweithredu Heneiddio'n Dda 2016-2017.

PENDERFYNWYD y dylid:

Cymeradwyo'r Cynllun Gweithredu a atodwyd i'r adroddiad fel 'Atodiad A'.

Cyflwynodd Aelod y Cabinet dros Les a Dinas Iach adroddiad a oedd yn amlinellu ymateb i'r argymhellion craffu, a chyflwynodd gynllun gweithredu i'w gytuno.

PENDERFYNWYD y dylid

1)            Cytuno ar yr ymateb fel y'i hamlinellwyd yn yr adroddiad a'r cynllun gweithredu cysylltiedig.

Cyflwynodd Aelod y Cabinet dros Les a Dinas Iach adroddiad a oedd yn ceisio cymeradwyaeth i fabwysiadu a gweithredu Strategaeth Mannau Agored Abertawe a datblygu Cynllun Gweithredu yn dilyn ymarfer ymgynghoriad helaeth.

PENDERFYNWYD y dylid

1)            Cymeradwyo'r Strategaeth Mannau Agored drafft a mynd ati i gynnal ymgynghoriad cyhoeddus arni. Yn dilyn hyn cynigir fersiwn derfynol i'w mabwysiadu a bydd cynllun gweithredu'n cael ei ddatblygu.

Cyflwynodd y Pwyllgor Archwilio adroddiad a oedd yn rhoi ei ymateb i'r Cabinet yn dilyn adolygiad o Brosiect Adeilad Newydd Ysgol Gynradd Gymraeg Lôn-las ar ôl iddo gael ei gyfeirio gan y Cabinet fel y gellir dysgu gwersi a'u mabwysiadu o fewn prosiectau'r dyfodol. 

PENDERFYNWYD y dylid

1)            Ystyried yr argymhellion a wnaed gan y Pwyllgor Archwilio.

Cyflwynodd Aelod y Cabinet dros Addysg adroddiad a oedd yn ceisio cymeradwyaeth i'r enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

PENDERFYNWYD y dylid:

1)           Cymeradwyo'r enwebiadau canlynol fel y'u hargymhellwyd gan Banel Penodi Llywodraethwyr yr ALl:

Cyflwynodd Aelod y Cabinet dros Fenter, Datblygu ac Adfywio adroddiad a oedd yn ceisio cymeradwyaeth i gynnwys y gyllideb ddiwygiedig o fewn y Rhaglen Gyfalaf.

PENDERFYNWYD y dylid

1)           Cyflwyno'r gyllideb ddiwygiedig i'r Rhaglen Gyfalaf ar gyfer 2016-2017 a 2017-2018.