Agenda a Chofnodion

www.abertawe.gov.uk/DatgeluCysylltiadau

Yn unol â'r Côd Ymddygiad a fabwysiadwyd gan Ddinas a Sir Abertawe, datganwyd y buddiannau canlynol:

1)              Datganodd y Cynghorydd E J King gysylltiad personol a rhagfarnol â Chofnod 174 “Penodiadau Llywodraethwyr yr Awdurdod Lleol” a gadawodd y cyfarfod cyn ei ystyried”.

2)              Datganodd y Cynghorydd R V Smith gysylltiad personol a rhagfarnol â Chofnod 174 "Penodiadau Llywodraethwyr yr Awdurdod Lleol", a dywedodd ei fod wedi cael gollyngiad gan y Pwyllgor Safonau i aros a siarad, ond i beidio â phleidleisio ar faterion yn ymwneud â phenodi llywodraethwyr awdurdod lleol.

3)              Datganodd y Cynghorwyr E J King a R V Smith gysylltiad personol â Chofnod 178 "Adroddiad Blynyddol y Bartneriaeth Hamdden 2021-2022".

Cymeradwyo a llofnodi cofnodion y cyfarfod(ydd) blaenorol fel cofnod cywir.

Penderfynwyd cymeradwyo a llofnodi cofnodion y cyfarfod(ydd) a restrir isod fel cofnod cywir:

1)              Cyfarfod y Cabinet a gynhaliwyd ar 23 Mawrth 2023.

Dywedodd Arweinydd y Cyngor fod y cyngor wedi gweithio’n ddiflino i sicrhau adferiad o bandemig COVID ac i ymdrin â chostau byw. Roedd y cyngor hefyd yn gweithio i sicrhau canol dinas cynaliadwy sy’n addas i fusnesau ac ymwelwyr. Dywedodd nad oedd y cyngor wedi cael popeth yn gywir o ran rhoi’r taliadau parcio newydd ar waith. Dywedodd y byddai’r cyngor yn parhau i weithio gyda hyrwyddiadau â’r bwriad o gynorthwyo preswylwyr â chostau o’r fath.

Gellir cyflwyno cwestiynau’n ysgrifenedig i’r Gwasanaethau Democrataidd Democratiaeth@abertawe.gov.uk hyd at ganol dydd y diwrnod cyn y cyfarfod. Bydd cwestiynau ysgrifenedig yn cael eu blaenoriaethu.

Gall y cyhoedd ddod a gofyn cwestiynau’n uniongyrchol os bydd amser.

Rhaid i gwestiynau fod yn berthnasol i’r eitemau ar ran agored yr agenda ac ymdrinnir â nhw o fewn cyfnod o 10 munud.

Ni ofynnwyd unrhyw gwestiynau.

Ni ofynnwyd unrhyw gwestiynau.

Cyflwynodd Grŵp Penodi Llywodraethwyr yr Awdurdod Lleol adroddiad a oedd yn ceisio cymeradwyaeth ar gyfer yr enwebiadau a gyflwynwyd i lenwi swyddi gwag Llywodraethwyr yr Awdurdod Lleol (ALl) ar gyrff llywodraethu ysgolion.

Penderfynwyd ar y canlynol:

1)              Cymeradwyo'r enwebiadau canlynol a argymhellwyd gan y Cyfarwyddwr Addysg ar y cyd ag Aelod y Cabinet dros Wella Addysg, Dysgu a Sgiliau:

Cyflwynodd Aelod y Cabinet dros Wasanaethau a Pherfformiad Corfforaethol adroddiad sy'n ceisio cymeradwyaeth o'r Rhaglen Trawsnewid y Gweithlu a Datblygu Sefydliadol newydd.

Penderfynwyd:

1)              Cymeradwyo'r buddsoddiad arfaethedig o £391,000 i ariannu'r prosiectau blaenoriaeth cychwynnol a nodwyd yn Achos Busnes y Rhaglen Trawsnewid Datblygu Sefydliadol fel yr amlinellir yn Atodiad A yr adroddiad.

Cyflwynodd Aelod y Cabinet dros Drawsnewid Gwasanaethau adroddiad a oedd yn gofyn am gymeradwyaeth ar gyfer Strategaeth Ddigidol newydd 2023-2028 a'r Rhaglen Trawsnewid Digidol perthnasol.

Penderfynwyd:

1)       Cymeradwyo Strategaeth Ddigidol 2023-2028 fel yr amlinellir yn Atodiad A yr adroddiad.

2)              Cymeradwyo'r buddsoddiad arfaethedig o £2.042 miliwn i ariannu'r prosiectau blaenoriaeth cychwynnol a nodwyd yn Achos Busnes y Rhaglen Trawsnewid Digidol fel yr amlinellir yn Atodiad B yr adroddiad.

Cyflwynodd Aelod y Cabinet dros Drawsnewid Gwasanaethau adroddiad a oedd yn gofyn am gymeradwyaeth ar gyfer Cynllun Trawsnewid Corfforaethol newydd 2023-2028.

Penderfynwyd:

1)              Cymeradwyo Cynllun Trawsnewid Corfforaethol 2023-2028 fel yr amlinellwyd yn Atodiadau 1-3 o'r adroddiad.

Cyflwynodd Aelod y Cabinet dros Fuddsoddi, Adfywio a Thwristiaeth adroddiad gwybodaeth a oedd yn amlinellu gweithdrefnau partneriaeth cyfleusterau allweddol ym mhortffolio'r Gwasanaethau Diwylliannol.

Cyflwynodd Aelod y Cabinet dros Wasanaethau Gofal adroddiad a oedd yn ceisio cymeradwyaeth ar gyfer Cynllun Ardal Partneriaeth Gorllewin Morgannwg yn dilyn cymeradwyaeth gan y Bwrdd Partneriaeth Rhanbarthol ar 23 Ionawr 2023.

Penderfynwyd:

1)       Cymeradwyo Cynllun Ardal Gorllewin Morgannwg 2023-2027.

2)       Nodi y caiff y cynllun ei ystyried gan Fwrdd Iechyd Prifysgol Bae Abertawe ar gyfer cymeradwyaeth cyn ei gyflwyno i Lywodraeth Cymru.