Mater - cyfarfodydd

Cyflwynodd Aelod y Cabinet dros Ofal, Iechyd a Heneiddio'n Dda adroddiad a oedd yn rhoi gwybod i'r cyngor am y cyfle i gyflwyno cais am ddynodiad o fewn Cam VII Rhwydwaith Dinasoedd Iach Sefydliad Iechyd y Byd, amcanion a buddion y rhaglen a'r gofynion ymgeisio.

Penderfynwyd cymeradwyo’r cais gan Gyngor Dinas Abertawe i’w ddynodi’n aelod o Rwydwaith Dinasoedd Iach Ewropeaidd Sefydliad Iechyd y Byd dan gam VII.

Sylwer: Gofynnodd y Cynghorydd C A Holley i Aelod y Cabinet dros yr Amgylchedd a Rheoli Isadeiledd rannu gwaith y cyngor â phob cynghorydd mewn perthynas â buddion diffodd motor cerbyd pan fo’r cerbyd wedi stopio mewn traffig am 10 eiliad neu fwy.

Dywedodd Aelod y Cabinet dros yr Amgylchedd a Rheoli Isadeiledd y byddai'n rhannu'r gwaith.

Cyflwynodd Aelod y Cabinet dros Drawsnewid Busnes a Pherfformiad adroddiad a oedd yn cyflwyno trosolwg o'r ffrydiau gwaith amrywiol sy'n rhan o'r Rhaglen Gwaredu Eiddo ac yn amlygu rhai o'r ffrydiau gwaith parhaus cyfredol mewn perthynas â gwaredu eiddo'r cyngor.

Penderfynwyd cymeradwyo'r argymhellion, fel y'u hamlinellir yn yr adroddiad.