Mater - cyfarfodydd

Cyflwynodd Swyddog Adran 151 adroddiad a oedd yn cynnig ardoll Cyllideb Refeniw a Threth y Cyngor ar gyfer 2019-2020.

Dywedodd Swyddog Adran 151 fod Grwpiau Gwleidyddol y Democratiaid Rhyddfrydol/Gwrthbleidiau Annibynnol wedi cyflwyno diwygiad i'r gyllideb.

Diwygiad

Cynigiwyd diwygiad gan y Cynghorydd Peter Black. Eiliwyd y diwygiad gan y Cynghorydd J W Jones. Dyma'r diwygiad a gynigiwyd:

Ni ddylid bwrw ymlaen â'r toriadau mewn oriau i lyfrgelloedd cymunedol, i'w hariannu trwy gymryd £35,000 o'r gyllideb Prosiect Digwyddiadau Arbennig a'r gyllideb Strategaeth Ddiwylliannol a Datblygu yng nghyllideb refeniw Pennaeth y Gwasanaethau Diwylliannol.

Yn dilyn trafodaeth, penderfynwyd pleidleisio ar y mater ac yn unol â Rheol 30 Gweithdrefn y Cyngor, "Pleidlais" gofynnwyd am bleidlais gofnodedig. Cofnodwyd y bleidlais ar y newid fel a ganlyn:

Yng ngoleuni'r bleidlais gofnodedig uchod ni chefnogwyd y diwygiad ac ni ddaeth yn rhan o'r argymhelliad sylweddol.

Yn unol â Rheol 30 Gweithdrefn y Cyngor, "Pleidleisio", gofynnwyd am bleidlais gofnodedig ar yr argymhelliad sylweddol. Cofnodwyd y bleidlais fel a ganlyn:

Penderfynwyd:

1)  Cymeradwyo Cyllideb Refeniw ar gyfer 2019/20 fel a fanylwyd yn Atodiad A yr adroddiad.

2)  Cymeradwyo Gofyniad y Gyllideb ac ardoll Treth y Cyngor ar gyfer 2019/20 fel a nodwyd yn Adran 9 yr adroddiad.

Gweithdrefn Galw i Mewn - Testun Craffu cyn Penderfynu: Mae’r penderfyniad hwn yn rhydd o Weithdrefn Galw i Mewn yr awdurdod gan fod “y penderfyniad wedi bod yn destun Craffu Cyn Penderfynu ac ni fu unrhyw newid pwysig i wybodaeth/dystiolaeth berthnasol”.

Cyflwynodd y Swyddog Adran 151 adroddiad a oedd yn nodi'r sefyllfa bresennol o ran y Gyllideb Refeniw ar gyfer 2019-2020.  Roedd yn manylu ar y canlynol:

·                 Monitro ariannol 2018-2019;

·                 Setliad cyllid llywodraeth leol 2019-2020;

·                 Rhagolwg cyllidebol 2019-2020;

·                 Cynigion arbed penodol;

·                 Canlyniad yr ymgynghoriad ar y gyllideb;

·                 Goblygiadau staffio;

·                 Gofynion y cronfeydd wrth gefn;

·                 Gofyniad y gyllideb a Threth y Cyngor 2019-2020;

·                 Crynodeb o gynigion ariannu;

·                 Risgiau ac ansicrwydd.

Cynigiodd Arweinydd y Cyngor, Aelod y Cabinet dros Drawsnewid Busnes a Pherfformiad ac Aelod y Cabinet dros yr Amgylchedd a Rheoli Isadeiledd y diwygiadau canlynol.

Penderfynwyd:

1)              Nodi canlyniad yr ymarfer ymgynghori ffurfiol a chytuno ar unrhyw newidiadau i'r cynigion cyllidebol yn Atodiad D yr adroddiad fel y'u diwygiwyd uchod, ynghyd â'r sefyllfa o ran cyllidebau dirprwyedig fel a nodwyd yn Adran 4.10 a 4.11 yr adroddiad;

2)       Nodi'r bwlch presennol mewn adnoddau a grybwyllwyd yn Adran 4.5 yr adroddiad ac, yn unol â'r camau gweithredu posib a nodwyd yn Adrannau 9 a 10 yr adroddiad, gytuno ar gamau gweithredu i gyflawni Cyllideb Refeniw  gytbwys ar gyfer 2019-2020;

3)              Yn ogystal ag adolygiad o gynigion arbed presennol, bydd angen i'r Cabinet:

a)              Adolygu a chymeradwyo'r trosglwyddiadau wrth gefn a argymhellir yn yr adroddiad hwn;

b)              Cytuno ar lefel treth y cyngor ar gyfer 2019/2020 i'w hargymell i'r cyngor.

4)              Yn amodol ar y newidiadau a nodwyd ac a restrwyd uchod, mae'r Cabinet yn argymell y canlynol i'r cyngor i'w cymeradwyo:

a)       Cyllideb Refeniw ar gyfer 2019-2020;

b)       Gofyniad y gyllideb ac ardoll Treth y Cyngor ar gyfer 2019-2020.