Manylion y penderfyniad

Mae’r adroddiad hwn yn gwneud argymhellion i’r cyngor o ran y Gyllideb Refeniw ar gyfer 2018/19 a’i hariannu.

Cyflwynodd Swyddog Adran 151 adroddiad a oedd yn nodi'r sefyllfa bresennol o ran y Gyllideb Refeniw ar gyfer 2018-2019. Roedd yn cynnwys manylion y canlynol:

·                 Monitro ariannol 2017-2018;

·                 Setliad cyllid llywodraeth leol 2018-2019;

·                 Y rhagolwg cyllidebol 2018-2019;

·                 Cynigion arbed penodol;

·                 Canlyniad yr ymgynghoriad ar y gyllideb;

·                 Goblygiadau staffio;

·                 Gofynion y cronfeydd wrth gefn;

·                 Gofyniad y gyllideb a threth y cyngor 2018-2019;

·                 Crynodeb o gynigion ariannu;

·                 Risgiau ac ansicrwydd.

Cyfeiriodd Swyddog Adran 151 at wall argraffyddol ar dudalen 184. Dylid newid ‘Gwasanaeth Cerdd Gorllewin Morgannwg’ i ‘Gwasanaeth Cerdd Abertawe’.

Cynigodd Arweinydd y Cyngor, Aelod y Cabinet dros Drawsnewid Gwasanaethau a Gweithrediadau Busnes ac Aelod y Cabinet dros Blant, Addysg a Dysgu Gydol Oes  y diwygiadau canlynol:

Penderfynwyd:

1)      Ystyried canlyniad yr ymarfer ymgynghori ffurfiol a chytuno ar unrhyw newidiadau i'r cynigion cyllidebol yn Atodiad D yr adroddiad yn ogystal â'r sefyllfa o ran cyllidebau dirprwyedig fel a nodwyd yn Adran 4.10 yr adroddiad;

2)       Nodi'r bwlch presennol mewn adnoddau yn Adran 4.5 yr adroddiad ac, yn unol â'r camau gweithredu posib a nodwyd yn Adrannau 9 a 10 yr adroddiad, gytuno ar gamau gweithredu i gyflawni Cyllideb Refeniw wedi'i mantoli ar gyfer 2018-2019.

3)     Yn ogystal ag adolygiad o gynigion arbed presennol, bydd angen i'r Cabinet:

a)              Adolygu a chymeradwyo'r trosglwyddiadau wrth gefn a argymhellir yn yr adroddiad hwn;

b)              Cytuno ar lefel treth y cyngor ar gyfer 2018/19 i'w argymell i'r cyngor;

4)     Yn amodol ar y newidiadau a nodwyd, mae'r Cabinet yn argymell y canlynol i'r cyngor am gymeradwyaeth:

a)       Cyllideb Refeniw ar gyfer 2018-2019;

b)       Gofyniad y gyllideb ac ardoll treth y cyngor ar gyfer 2018-2019.